«إن كنت تجيد فعل شئ ما، فلا تقم به أبدا بالمجان»، حكمة أنشأ على أساسها إبراهيم عبدالعظيم، 24 عاما، مشروعا خاصا وهو قهوة متنقلة، معتمدا على شهادة أصدقائه في قدرته على صنع مشروبات مميزة.
حصل «إبراهيم» على ليسانس حقوق إنجليزي، وبعد وفاة والده وكثرة المسئوليات اضطر إلي التفكير بجدية في عمل مشروع خاص به بعد فترة قضاها في أعمال مختلفة : «مسبتش حاجة مشتغلتهاش ولأن نفسي حلو في الأكل والشرب بشهادة أهلي وأصدقائي قررت أعمل مشروع خاص بيا وقررت أقدم مشروبات ساخنة زى القهوة والشاي والنسكافيه، بدأت بداية بسيطة قدام بيتي بأقل الامكانيات، ربع كيلو بن وربع شاي وشوية سكر من البيت، وعشان مشروعي ينجح كنت بهتم بحاجتين أطلع مشروب حلو واعمل دعاية بتقديم مشروب مجاني، وواحدة واحدة بقى ليا زباين بييجوا مخصوص عشان كوباية القهوة».
بدأ «ابراهيم» خطوة جديدة في مشروعه: «جبت باترينة وزينتها باضاءة وشوية كوبيات كرتون وبعدها فكرت في خطوة جديدة وازاي أكبر مشروعي ويكون له اسم جديد وفعلا ظهر الاسم قدامي وهو «قهوتك في سكتك»، جبت عربة بعجلة وحبيت تكون حاجة متحركة عشان أقدر اتحرك بها براحتي ومخالفش القوانين، زينتها ودهنتها ولزقت عليها لوجوهات باسم المشروع وبالمشاريب وخلصتها وانطلقت».
واضاف: «كل يوم بزود حاجة لقائمة مشروعي من بسكويتات وكيك وباتيهات ومشاريب جديدة، فنجان القهوة عندي بخمسة جنيه وساعات بخترع مشروبات جديدة وأدمج قهوة ونسكافيه مع بعض».
لم تنته خطوات «ابراهيم» فهو في بداية السلم ولم تقف طموحاته عند هذه النقطة، وقال: «نفسي أعمل فروع لفكرتي في أكثر من مكان وحلمي يبقى المشروع براند في يوم من الأيام».
تعليقات الفيسبوك