سيد صانع فوانيس
«بيعمل من الفسيخ شربات» مثل مصري قديم ينطبق على سيد محمد، 42 عاما، الذي جمع بين مهارته في تصميم الأشكال وعمله بصناعة المصائد السلك، ليخرج لنا شيئا جديدا وهو فوانيس الحديد التي تعبر عن فرحة رمضان بشكل مختلف، ويبدأ سعر الفانوس من 5 جنيهات.
منذ سنوات عديدة يعمل «سيد» في صناعة مصائد الحديد التي لا تدر عليه دخلا يكفي حاجته ومتطلبات أبنائه، ففكر في ترك عمله من الأساس والبحث عن شيء آخر، يحقق له ربحا أعلى لتحسين دخله: «الشغلانة كانت بتجيب حاجات بسيطة وأنا عندي عيال عايز أربيها، فقولت أدور على حاجة تانية لأن مش كل الناس بتشتري مصيدة، فكنت بعمل كميات وتفضل مركونة وبيتباع منها حاجة بسيطة».
يعيش «سيد» في الدرب الأحمر بمحافظة القاهرة، وعندما فكر في البحث عن عمل آخر تزامن ذلك مع اقتراب شهر رمضان، فلم يجد شيئا مناسبا له فقرر استغلال مهاراته في صناعة الأشكال الهندسية بالحديد وبيعها للناس، وعلي غير المتوقع نجحت تجربته حيث اشتد عليه الإقبال عليه: «بجيب الحديد وأقطعه في المكن وبعمل منه فوانيس رمضان وأشكال تانية زي المآذن وحاجات تانية كتير، كانت مجرد تجربة مش عارف هتنجح ولا لا بس اتفاجئت من الطلب على الحاجات دي».
قرر «سيد» الاستمرار في صناعة الفوانيس والأشكال الهندسية بسبب زيادة الإقبال عليه، ويساعده أبنائه في العمل ولم تزد الأسعار رغم ارتفاع ثمن الحديد: «الناس عايزة التغيير بتشتري الفوانيس الحديد والقماش والشمع وتلم عيالها حواليها ويقعدوا يقفلوا الفانوس مع بعض، هي دي فرحة رمضان مش ان أنا أشتري الحاجة جاهزة وأعلقها، والأسعار بتبدأ من 5 جنيهات مزودتش جنيه من السنة اللي فاتت مع إن الحديد غالي عليا».
تعليقات الفيسبوك