برج الميزان
تجذب الأبراج الفلكية انتباه الملايين حول العالم، ويحاول الكثيرون معرفة حظوظهم في عالم الفلك، ويتصدر قائمة الأكثر بحثًا في الوقت الحالي توقعات برج الميزان 2022 وهي التي أوضحتها خبيرة الأبراج والفلك عبير فؤاد، خلال مقطع فيديو عبر قناتها الرسمية على «يوتيوب».
وشرحت خبيرة الأبراج توقعات برج الميزان 2022 أن مواليد ذلك البرج يكونون في الفترة بين 23 سبتمبر و22 أكتوبر، والسنة الجديدة ستكون سنة النجاح بالنسبة لهم، والحب سيكون الهدف لهم والوسيلة التي ستجعلها تحقق النجاح والتقدم.
وذكرت «فؤاد» أن زحل سيكون في وضع داعم بالنسبة لمواليد برج الميزان، ومتواجد في منزل الحب والمنزل الخامس ما يعطيهم نضج وشجاعة وفرص للحب والزواج، كما أن المشترى كوكب الحظ بداية من أول 2022 وحتى 10 مايو، موجود في منزل العمل ما يدعمهم مهنيا لأنه منزل العمل الإيجابي، ويعطيهم أيضًا صحة ونشاط وطاقة ويساعدهم على تنظيم جهودهم في اتجاه سليم.
وتابعت خبيرة الأبراج، خلال قناتها عبر «يوتيوب»: «مواليد برج الميزان، عندهم نجاحات في الحياة الشخصية والمهنية، وعندهم قدرة أنهم يعملوا توازن ما بين الحياة المهنية والعاطفية»، وحذرت من أن كوكب المشترى سيغادر منزل الحظ ويكون في مواجهة الميزان بداية من 11 مايو حتى 28 أكتوبر: «خدوا بالكم، ورتبوا أفكاركم وأولوياتكم، انتبهوا لحقوقكم لأنكم ممكن تكونوا عرضة أن حد ياخد حق من حقوقكم، والوقت ده من السنة هيكون غير مناسب لتوقيع أوراق أو عقود، ولازم تكونوا منتبهين جدا لحقوقكم، وحاولوا متغامروش ماليا، ولازم تقاوموا التشوش وترتبوا الأفكار والأولويات علشان متخسروش أي مكتسبات أنتوا اكتسبتوها في بداية العام».
وعلى المستوى العاطفي، بالنسبة للمتزوجين، بداية من أول يناير حتى 6 مارس، ذلك الوقت الذي يكون فيه كوكب فينوس والمريخ في المواجهة: «هتكونوا عرضة أنه يحصل خلافات، ولازم يكون عندكم رغبة أنكم تحددوا إيه الحاجات اللي مضايقكم وتعرفوها، ولازم تصبروا وحاولوا أنكم تكونوا متسامحين أكتر مع شريك الحياة».
وأضافت: «فينوس بيتراجع والمريخ بيدخل في وضع معاكس في الشهرين الأولوين من السنة، فلازم تصبروا ومتتسرعوش في قرارتكم، وكمان زحل في وضع داعم، وده هيساعدكم تلاقوا حلول، ويخفف كتير من التعامل ومن 6 مارس فينوس والمريخ بيدخلوا لمنزل الحب وده بيخلي عندكم مشاعر أفضل وتبدأ حالتكم النفسية تتحسن تدريجيا، وممكن يجمعكم بشريك الحياة علاقة أقوى، بس في شهر سبتمبر تبدأوا تاخدوا بالكم لأن ممكن يكون في خلاف لأن المشترى في مواجهتكم».
تعليقات الفيسبوك