خبيرة أبراج تحذر الشناوي قبل مباراة مصر وقطر اليوم
دقائق قليلة تفصل المنتخب الوطني عن مباراته الحاسمة مع قطر في إطار بطولة كأس العرب 2021؛ لتحديد صاحب المركز الثالث بعد خسارة مصر من منتخب تونس، ويتزامن موعد المباراة التي تنطلق في تمام الساعة الثانية عشر، مع عيد ميلاد حارس مرمى الفراعنة محمد الشناوي، الذي يتم اليوم عامه الـ33.
عبير فؤاد، خبيرة الأبراج والفلك قالت في حديثها لـ«الوطن»، إن محمد الشناوي من مواليد برج القوس، 18 ديسمبر، ولذلك فإن الحظ سيكون بجانبه: «في الفترة الحالية، الشمس في برجه بتديله طاقة وإشراقة، وكمان المريخ في برجه بيديله حماس، وإرادة قوية أنه يوصل للي هو عاوزه ويحقق انتصارات».
وتابعت «فؤاد» عن المباراة المرتقبة اليوم مع الشناوي، بأنه يواجه حاليًا، فترة تحمل إصرارا وطاقة وإرادة وحماسا، وسيحقق نجاحات: «الحظ بيحالفه جدًا ودي فرصة مناسبة أنه يقدر يكسب انتصارات سواء على المهني أو الشخصي».
وعن توقعاتها لحارس عرين الفراعنة للعام المقبل، قالت: «الحظ هيحالفه جدًا في السفر، وأي تعامل مع جهات خارجية هيكون موفق فيه، يعني أي نشاط هيعمله بره، لو أي ماتشات هتتلعب بره هو موفق فيها، بس هو عنده ضغوط من أول السنة لأن المشترى، هيكون في وضع معاكس معاه لغاية 10 مايو، فلازم ياخد باله في الوقت ده، وينظم جهوده أكتر ويحاول يخفف من العصبية لأنه بيميل للعصبية جدا، ويحاول يكون منضبط ومنتبه أكتر لصحته».
وحذرت خبيرة الأبراج، محمد الشناوي بضرورة الانتباه لصحته بداية من 20 أغسطس المقبل: «من 20 أغسطس لآخر سنة 2022، المريخ هيكون في مواجهته وده بيخلي مناعته أقل، ولازم ياخد باله من صحته، وهو عنده فترة فيها نشاط وهي بداية من 11 مايو لغاية 28 يوليو، في الوقت ده هيقدر يحقق مكاسب مالية ونجاحات هايلة».
تعليقات الفيسبوك