فتحي صاحب أحد محلات المنظفات
كعادة كل عيد، تقبل السيدات على محلات بيع المنظفات لشراء كميات كبيرة من الأنواع المفضلة لهن، استعدادا للعيد، حيث تبدأ «حملات نظافة المنازل»، الأمر الذى يتسبب في انتعاشة داخل سوق المنظفات، وذلك وفقا لتصريحات عدد من بائعى وتجار سوق المنظفات.
فتحي علي، صاحب محل لبيع المنظفات في منطقة الغورية، يؤكد الإقبال الكبير على المنظفات قبل أيام قليلة من عيد الفطر: «شراء المنظفات دي عادة في كل مكان والستات بتنضف الشقق قبل العيد دي الحاجة البسيطة اللي اتعودوا عليها أنهم بكده بيحتفلوا بالعيد».
وأضاف: «وبسبب الإقبال الكبير من الستات، قررت أن أجرى تخفيض على الأسعار وتقديم بعض الهدايا العينية على شراء كميات كبيرة منها بمعنى أن نص لتر من خلطة الصابون بـ15 جنيه وأنا ببيعها في العيد بـ13 ونص جنيه وده عشان بحتفل بالعيد مع الناس وبحب افرحهم، وطبعا اللي هيشتري كميات كبيرة بياخد نص لتر من وجبة الصابون هدية».
نادية منصور صاحبة محل لبيع المنظفات فى منطقة العبور تؤكد انتعاشة السوق قبل العيد، بسبب الإقبال المتزايد من الزبائن على شراء الصابون والكحول وبعض أدوات التعقييم اللازمة التي تحافظ على نظافة المنزل: «كل الستات اتعودت انها تنضف بيتها قبل العيد سواء العيد ده أو عيد الأضحى هما بيفرحوا بالطريقة دي في العيد وأهي عادي بتاعت كل بيت مصري».
وتابعت: «أن الإقبال على الشراء في العيد بيكون كتير جداً زي أيام الموجة الأولى من فيروس كورونا كانت الناس كتير جداً وبيشتروا بكميات كبيرة».
وتقول «نادية» إن الأسعار تناسب كافة الفئات، فهي تبيع اللتر من الكلور الخام بـ3 جنيهات، أما الكحل فالزجاجة المتوسطة بـ15 جنيه، ولتر الصابون بـ20 جنيه، ومنظضف وملمع الأرضيات بـ15 جنيهاً.
تعليقات الفيسبوك