الطفلتان مي ومنة
طفلتان بعمر الـ6 سنوات، لا تعيشان حياتهما طبيعيا، فطوال هذه السنوات يكبرن على السرير بالنوم على الظهر، فلا تستطيعان الحركة أو الركض واللعب كباقي أقرانهما، هذه المأساة تعيشها التوأم ملتصقتان من الرأس «مي ومنة»، واللتان تشعران أن حياتهما ناقصة، لأنهما لا تريان سوى سقف غرفتهما بسبب النوم باستمرار وعدم القدرة على الحركة.
داخل قرية كوم حمادة في محافظة البحيرة، توجد معاناة بمنزل إسلام صقير 31 عاماً، ووالد الطفلتان، وهو لا يملك حيلة أو سبيل لمساعدة بناته: «بقالي 6 سنين دايخ بالبنات وصعبانين عليا مش بيتحركوا ولا بيقوموا يجروا زي باقي العيال اللي زيهم وحالتهم تصعب على الكافر، وقلبي موجوع ليل نهار عليهم خصوصاً إني مش عارف أعملهم حاجة» بحسب «إسلام» الذي يعمل أرزقي بأجرة يومية، وهذه الأجرة تكفي بالكاد لسد احتياجاتهم اليومية: «هجيب منين تمن العملية بتاعتهم واللي جاي على قد اللي رايح».
وُلدت الطفلتان ملتصقتان بهذ الحالة، وتعانيان من صعوبة في فك التصاقهما هذا، بسبب ارتباط بعض الأوردة الدماغية معاً، وهي أوردة ضعيفة جداً يمكن أن تؤدي إلى وفاتهما: «ولاد حلال من 3 سنين سفروني أنا والبنات في السعودية عشان نعمل العملية بس للأسف مقدروش يفصلوهم ورجعت تاني مكسور الخاطر وكان نفسي قوي أشوف بناتي اتنين بدل ما هما في رأس واحدة».
يتمنى «إسلام» أن يساعده المتطوعين وفاعلي الخير لعلاج طفلتيه: «مش عارف أعالجهم إزاي وقالوا لي إن العملية بتاعتهم تتكلف 4 مليون دولار أي ما يعادل 63 مليون جنيه تقريبا».
بسبب نومتهما على ظهورهما طوال الوقت، فتجدان صعوبة في البلع والهضم، فأكلهم عبارة عن زبادي وشوربة، أما البروتين فيتم ضربه في الخلاط مع الخضار وتناوله حتى يكون خفيف ومغذياً لهما: «مش بيقدروا يقوموا ويدخلوا الحمام بنفسهم ولازم يأكلوا خفيف وامهم بتغير لهم وهما على السرير لحد دلوقتي.. واضطرينا نوسع في البيت شوية عشان لما يجوا يمشوا بالعرض ميخبطوش في حاجة أو ـحيانا بيضطروا يمشوا بالطول عشان ميخبطوش في أي حاجة وهما ماشيين ولما بشوفهم كده قلبي بيتقطع عليهم».
تعليقات الفيسبوك