كتابة أية قرآنية بالخطأ
«إن الصلاة كانت على المؤمنين كتاباً موقوتاً» آية القرآنية محفورة بشكل جمالي فوق منبر خشبي بمسجد بمحافظة المنيا، وكُتب تحتها «سورة البقرة 103»، لكن هذه الآية الكريمة تعود إلى سورة النساء وليس البقرة، وهذا الخطأ الفادح وقع فيه القائمون على مسجد الصحابة بمدينة العمال في محافظة المنيا، الذي نقلت منه شعائر صلاة الجمعة الماضية، دون أن يلتفت أو ينتبه إليه أحد.
وسادت حالة من الاستياء بين سكان المحافظة بعد اكتشافهم لهذا الخطأ الكبير، ويقول محمد أبو سالم: «كنت بصلي وقعدت اسمع خطبة الجمعة كالعادة، وبعدين لقيت مكتوب على المنبر الآية القرآنية، وبعدين قولت دي مش سورة البقرة، مستحيل، أنا واثق من معلوماتي الدينية فعدت الآية مرتين على نفسي وبعدين فتحت المصحف واتأكدت إنها سورة النساء مش البقرة، وللأسف الغلطة دي اتنقلت كمان في التليفزيون، عشان شعائر الجمعة نقلت منه يوم الجمعة اللي فاتت ومحدش لاحظ ولا خد باله».
يشعر «أبو سالم» بحزنٍ شديدٍ بسبب هذا الخطأ: «ازاي ده يعدي على الناس اللي شغالين في الجامع والمؤذن والعمال نفسهم؟ ازاي محدش واخد باله بالشكل ده؟ حاجة فعلا تحزن».
وقام الدكتور محمد مختار جمعة وزير الأوقاف، بافتتاح مسجد الصحابة بالمنيا، يوم الجمعة الماضي، وهو نفس اليوم الذي نقلت فيه شعائر صلاة الجمعة عبر التليفزيون.
وقال تامر عيسى أحد سكان المحافظة الغاضبين من الخطأ: «المسجد ده كان بيترمم وصلوا فيه الجمعة اللي فاتت بالخطأ ده ومحدش خد باله نهائي، والكارثة الحقيقية إن الغلط ده مش مكتوب ده محفور على منبر الجامع ومحدش انتبه بالشكل ده، طب العامل اللي عمل المنبر وحفرها بالشكل ده ازاي مينتبهش» ووفقاً لـ«عيسى» فإن السكان المحيطيين بالجامع في تواصل مستمر مع القائمين على إدارة الجامع لإبلاغهم بهذا الخطأ الكبير، والعمل على إصلاحه قبل أن ينقل في شعائر صلاة الجمعة مرة أخرى.
تعليقات الفيسبوك