أبطال ديزني علي التيشيرتات..«ياسمين»..تبدع في الرسم علي الملابس: بجيب مصاريفي
منذ نعومة أظافرها وهى تهوى الرسم، وتعلمت أنه لا سبيل للتميز بغيره؛ أحبته كثيرا ومنحته وقتها، على الرغم من تعرضها للتنمُّر وهى صغيرة، وذلك لعدم براعتها في الرسم بشكل كافٍ، ما دفعها إلى البحث بشكل أشمل.
ياسمين لقمة، هى تلك الفتاة العشرينية من مدينة طنطا، والتي قررت أن تحول فشلها في الصغر إلى إبداع عند الكبر: «من صغري عندي حلم، وعايزة أبقي مشهورة، ويبقى معايا فلوس تضمن ليا، الأمان والاستقرار».
وبعد اتقان فن الرسم بشكل كافٍ، قرر الفتاة أن تستثمر ما تعلمته من خلال شراء ملابس وشنط، ورسم أشكال أبطال ديزني عليها، إلى جانب رسم الأشخاص بشكل كرتوني، وعرضها للبيع عن طريق خدمة الأون لاين: «بشتري الشغل وارسم عليه، وبعد كده أعرضه للبيع، وبيكون شنط غالبا، علشان بيكون مقاسها مناسب لكل البنات، وبعد كده بيكون فيه توصيل من خلال شركة شحن».
منذ عام مضى كانت «ياسمين» تشاهد أحد الفيديوهات على موقع الفيديوهات «يوتيوب»، وهنا لفت انتباهها وجود فيديو يعرض تيشيرت عليه طباعة من نوع خاص: «سمعت عن عيوبها إنها بتشقق قولت لنفسي طيب مهو الرسم مستحيل يشقق، وبدأت أدور وأسمع فيديوهات علشان أتعلم، وفعلا عرفت كل تفاصيل الموضوع وقررت إن ده يكون مشروع خاص ليا، يجيب مصاريف، وبحارب برضه البطالة لأن مفيش شغل، وخصوصا مجالي لأني خريجة كلية زراعة».
علمت الفتاة أن هناك أنواع ألوان مخصصة للرسم على القماش، حتى قررت البحث عنها، كي تستخدمها في الرسم: «عرفت إن في أنواع ألوان مخصصة لقماش ومش بتشقق زي الطباعة بدأت أدور على الخامات وابتديت من أقل الخامات خالص، وبعدها وصلت لأعلى خامات أنواع كويسة، ومن هنا بدأت أرسم تشيرت ليا الأول فعجب أصحابي وشعجونى وحابوا شغلي ومن هنا بدأ الموضوع يكبر».
وتشير«ياسمين» إلى أنها لم تقتنع بكلام اصحابها حتى عملت كموديل «ميك اب ارتيست»: «اللي كانت بتعملي شغل الميكب أب، عرفتني علي صاحبتها، وكانت بالصدفة بتدور علي حد بيرسم علي هدوم لبراند، فبقيت ارسملها تشيرتات وتربونات وكولات شيميز».
طريقة الرسم كما تقول «ياسمين» تعتمد علي قوة الملاحظة في اختيار أكثر الأشكال تناسقا مع الخامة المستخدمة: «بجيب كرتون بحطه في نص تشيرت عشان ميطبعش من الناحية التانية، وبعد كده ببدأ أثبت تشيرت وبرسم بالرصاص وأسيب الألوان تنشف تماما وبعدها بجيب قطعة قماش سادة، أحطها على الرسمة واشغل المكوة علي درجة حرارة متوسطة، وبعدها أعرضها أون لاين».
تعليقات الفيسبوك