​

بعد 4 أعوام من دراسة طرق صنع أنواع الشوكولاتة، قررت منار عواد نقل هذا العلم، دون الاقتصار على استخدامه كوسيلة للكسب، لترسم بذلك لنفسها طريقاً للتميز بأشكال وألوان مختلفة وعمل «ماركة أو براند» خاصة بها، بحيث لا ينافسها أحد في مصر ربما لاختلافها في المذاق أو كونها تستورد الخامات من بلجيكا أو لصناعتها أشكالاً تشبه «الكواكب» الفضائية. 

منار عواد خريجة كلية آداب قسم عبري في جامعة عين شمس، كانت تعمل مصممة أزياء، لكنها قررت دخول عالم الشوكولاتة منذ نحو 4 أعوام، وتقول لـ «الوطن»: «دايما كان بيبقى عندي مشكلة لو رايحة مناسبة مش ببقى لاقية حاجة مميزة ومختلفة وكل الناس بتحب الشوكولاتات، لقيت أن في فن أصلا وعلم في أوروبا عن الشوكولاتة وانهم بيستخدمه زبدة الكاكو الملونة في تلوين الشوكولاتة فقررت أدرس».

حصلت منار، البالغة من العمر 30 عامًا، على دورتين تدريبيتين: الأولى مع الشيف الشهيرة ميرفت دسوقي عن تصنيع الشوكولاتة؛ والثانية في مدرسة شوكولاتة في كندا عبر الإنترنت، وكانت عن تصنيعها وتلوينها، وتقول منار عن دراستها: «وطول الـ 4 سنين دراسة كنت بجرب وافشل واجرب تاني وادوق اللي حوليا لحد ما نجحت وكنت حابة فكرة إني ادرس ومستعجلش عشان في الأخر اطلع بالشكل اللي وصلت لي الحمد لله».

تقدم الفتاة الثلاثينة التي اختارت اسم «oh chocolatier» بسبب رد فعل ابنها عندما تذوق الشوكولاتة لأول مرة من تصنيعها بهذه الكلمة أي يدل على إعجابه بها، العديد من الأشكال والألوان المختلفة ولكنها ما تميزت به هو شكل يشبه «الكواكب»: «أنا عندي أفكار كتير وأي حاجة فيها ألوان بتديني إلهام وكنت بعمل كل الأشكال في الأول بس اللي عجب الناس أكتر حاجة الكواكب وبيقولولي إحنا محتاجين لما نيجي نهدي للشخص كأننا جبناله الكون، ولاقيت أنها بتتاع أكتر حاجة».

وتضيف: «الخامات بشتريها من بلجيكا والحشوات أنا بصنعها بنفسي سواء مكسرات أو كيك أو كراميل أو أي حاجة».

وتحرص منار على تصنيع شوكولاتة تحتوي على مذاق جيد وليس فقط منظر خارجي جذاب، كما أنها يمكن تنفيذها أنواع الشوكولاتة حسب رغبة الشخص، وفي هذا الصدد تقول: «في ناس عندها حاجات غذائية باخد بالي مستخدمش شوكولاتة عادية ازود الدارك مثلا ووللأطفال اعملهم حاجة نسبة السكر قليلة وطعمها يبقى حلو».

وعن أسعارها، أوضحت منار أن العلبة المكونة من 12 قطعة تبيعها بـ 150 جنيه أما قطعة الشوكولاتة التي تزن 90 جرام من الفواكه المجففة أو المكسرات سعرها 75 جنيه، وتقول: «عندي صفحة على الإنستجرام ببيع من خلالها والحمد لله في إقبال وأنا انبهرت بكمية الناس اللي عجبها شغلي وبيشجعوني جدا إني أكمل».