«سامبو» يتحدى الصين بتماثيل فرعونية
الحضارة الفرعونية من أعظم وأعرق الحضارات التي شهدها العالم، إذ يفتخر كل مصري بحضارة بناها أجداده ليخلد بعض المصريين هذه الحضارة كلا بطريقته، وهكذا يبدع محمد أحمد محمد علي الشهير بـ«محمد سامبو»، 30 عاماً، في نحت تماثيل فرعونية هي مجال عمله.
ويقول سامبو لـ«الوطن»: «بشتغل رسام ونحات تماثيل فرعونية وده شغلي وتخصصي بعيدا عن دراستي في مجال الهندسة تخصص معدات ثقيلة، والفن الفرعونى مهم جدا، وشغلي عبارة عن نماذج فرعونية (ايجيبتات صغيرة) بنحتها أكبر من مقاسها وبعمل اختلافات في المقاسات، ممكن تلاقي من النموذج 5 مقاسات وهو في الأصل مقاس واحد وده بيفرق في التفاصيل والفنيات».
ورث «سامبو»، الذي صار يصدر أعماله إلي الصين، الحرفة من والده الحاج أحمد: «كنت بتفرج على والدي وهو بيشتغل واتعلمت منه والحمد لله بقيت شاطر زيه. شغلي بيلف العالم كله ونفسي يبقى ليا معرض خاص بيا في أي دولة أوروبية».
يعمل «سامبو» في هذا المجال منذ 18 عاما، لكن، كحال الكثيرين، أثر وباء كورونا على عمله، ويقول في هذا الصدد: «حاليا بنعاني من ركود تام في سوق العمل بسبب الوباء العالمي إلى جانب مشكلة تانية بنواجهها واللي ممكن تنهي الصنعة بتاعتنا هي هيئة النماذج أو ورشة النماذج اللي بتعملها وزارة الآثار لأن الزبون بتاع الشغل الفرعوني دايما بيعتمد على الشغل اليدوي مش الشغل الصيني اللي دايما فيه غلطات كتير وباين انه شغل مكن».
ويتابع: «مع كل نموذج جديد بعمله بلاقيني بتطور تلقائيا وحلمي إن الدولة تخصص لنا مكان نقدر نعمل فيه عرض فرعوني كبير نقدم فيه نماذج من المعابد والمقابر الفرعونية بأحجام مصغرة».
تعليقات الفيسبوك