«ممبار في بوكيه».. أحدث تقليعات الفالنتاين خلال العام الجاري 2021، فبدلا من تقديم باقة الورود، قرر البعض الخروج عن المألوف هذا العام سواء بـ «بوكيه أو بوكس ممبار».
عمرو عبدالظاهر صاحب أحد المحال الشهيرة في محافظة المنيا يقدم في الفالنتين بوكس الممبار للاحتفال بعيد الحب بطريقة مختلفة موضحا الفكرة: «إحنا من فترة كنا عاملين بوكس السعادة وأكتر تفاعل على البوست بيكسب بوكس السعادة وبنطلعه في مشويات، الموضوع ده عمل شغل كويس جدا على الصفحة، فقولنا نعمل في عيد الحب الممبار».
«أكيد ناس كتير في الفالنتين بيبقوا عايزين يحتفلوا بيه ويأكلوا أكلة حلوة إحنا قولنا نعمل بوكس للممبار أكتر أكلة مطلوبة».. هكذا وصف عمرو هدف البوكس الذي يقدمه بأسعار يعتقد أنها تناسب الجميع، حسب حديثه لـ «الوطن».
فيما تقدم فاطمة محمد بوكيه الممبار عبر صفحتها بموقع «فيس بوك»، قائلة إنها دائما تبحث عن الأفكار الجديدة: «مفيش حد مبيحبش الأكل وفيه بنات كتير بتحب الاختلاف وبتفضل الأكل عن الورد فقولت أعمل بوكيهات الممبار لأن محدش بيختلف عليه وكله بيحبه وممكن للبنت أو ولد وللمرتبطين أو أصحاب عادي يعني».
وانتشرت صور بوكيهات الممبار والحمام عبر صفحات موقع التواصل الاجتماعب «فيس بوك»، وجاءت التعليقات من مستخدميه بـ «عيد الحب كما يجب أن يكون» و«ممبار في بوكيه ورد.. العلاقة دي هتدوم وتكمل وتكول لأنهم فاهمين الدنيا صح»، و«بدل ما تروح لخطيبتك ببوكيه ورد ادخلها بحاحة ترم عضمها بدل الورد حاجة كدة تعجب شوكولاتة إيه وكلام فاضي»، «أحلى ممبار ولا إيه»، «هي دي الأفكار ولا بلاش»، و«مش بوكيه ورد تؤ تؤ بوكيه ممبار»، و«ممكن نعمله كمان إحنا في البيت مش محتاجين نطلبه»، و«هاتلي منه يا إبراهيم».
تعليقات الفيسبوك