شغف كبير انتاب الكثير من متابعين مسلسل "ما وراء الطبيعة"، ليسمن خلال مشاهدة المسلسل فقط بل في محاولة معرفة كل ما يخصه وخاصة كواليسه والتعرف على شخصيات الممثلين، وهو ما رصده مقطع "فيديو" يضم كل من المخرج عمرو سلامة والفنان أحمد أمين والفنانة أية سماحة والفنانة رزان جمال.
وظهر في مقطع فيديو نشرته شبكة "نتفليكس" على قناتها بـ "يوتيوب" وصفحتها بـ "فيسبوك" بعض الأسئلة والإجابات للتعرف أكثر على طاقم عمل مسلسل "ما وراء الطبيعة"، وفيما يلي الأسئلة والإجابات نصا:
مين دايما بيتأخر على التصوير؟
الإجابة: أحمد أمين.
أمين: "على فكرة هما اللي بيرحوا بدري جدا، فعلا فا أنا ببقى رايح عادي، فابلاقي الناس كلها بصالي بصّة غريبة أوي"
سلامة: "إحنا كان عندنا غرامة للي بيتأخر، وأكتر حد دفع كان (أحمد أمين) وأستاذ أحمد بشاري اللي ورا الكاميرا".
مين دايما بيسأل أسئلة كتير؟
الإجابة: رزان.
رزان: "عايزة افهم كل حاجة".
أمين مازحا: "عشان كده أنا ما بسألش.. بيبقى في أسئلة نفسي أسألها، فبسكت خلاص أكيد (رزان) هتسأل".
مين أكتر حد بيحب يعيد المشاهد؟
الإجابة: رزان.
أمين مازحا: "على فكرة هي ممكن تطلب إنها تعيد الحتة دي دلوقتي".
مين شخصيته الحقيقية عكس شخصيته في التصوير؟
الإجابة: أية.
سلامة: "أية مش كيوت زي هويدا خالص".
مين أحسن صوت في الغناء؟
الإجابة: رزان وأحمد.
مين أكتر حد متابع وبيرشح أفلام؟
الإجابة: عمرو سلامة.
مين أكتر حد بيضحك في التصوير؟
الإجابة: أحمد.
مين أكتر حد بيحب الحيوانات الأليفة؟
أية: "كلنا عندنا حيوانات بس أنا متولية الموضوع على قلبي أوي".
مين أول واحد بيوصل اللوكشين؟
سلامة: "رزان ساعات كانت بتوصل قبلي عشان كان ليها تحضيرات كتير".
مين أكتر واحد بينام في اللوكشين؟
الإجابة: سلامة.
سلامة: "أنا بنام في أي وقت في أي حتة".
مين دايما باصص في تليفونة؟
الإجابة: سلامة.
أحمد مازحا: "في بوست بيتكتب واحنا قاعدين بنتكلم، امتى عملت ده".
مين لازم يبدأ يومه بالقهوة؟
الإجابة: سلامة.
سلامة: "إحنا في نص التصوير جبنه عربية قهوة في فان قهوة بتعمل كل أنواع القهوة ".
تعليقات الفيسبوك