لم يستسلم لفكرة «مفيش شغل حكومى» وقرر أن يصنع لنفسه ولغيره مشروعاً خاصاً به، بأدوات عبارة عن كشك مصنوع من الصاج والحديد وسيارة جيب، وذلك على الطريق الدولى الساحلى بمدينة بطليم فى كفر الشيخ، هكذا استطاع أحمد صقر، 33 عاماً، أن يؤسس مشروعه الذى يوفر به 6 فرص عمل للشباب.
على الطريق الدولى، لفت الكافيه أنظار قائدى السيارات، بسبب اسمه «ده كيف كافيه» وألوانه الجذابة، موفراً مشروبات ساخنة للمارة للتغلب على البرد القارس، وحسب «صقر» صاحب المشروع: «اتخرجت فى أكاديمية بحرية وسافرت السعودية اشتغلت فى شركة سياحة، كنت باشوف الكافيهات المتنقلة هناك وفى أوروبا، ولما نزلت مصر ما لقيتش شغل، قلت مش هستنى الوظيفة، أنا هدوّر على لقمة عيشى، وعملت 4 مشروعات كافيه متنقل، انتهيت من تشغيل الأول فى بلطيم وباقى 3 فى المصنع لسَّه بيتصنعوا»، بدأ «صقر» بتشغيل 6 شباب على ورديتين: «الشيف الرئيسى بياخد 4500 جنيه فى الشهر، والعامل بياخد 3 آلاف جنيه، ومعايا رخصة إشغال طريق من مجلس المدينة وممارسة كهرباء، عشان محدش يضايقتى، لكن بدفع 3700 جنيه فاتورة كهرباء شهرياً وده كتير عليّا». يقدم الكافيه كل أنواع المشروبات، بأسعار تبدأ من 5 جنيهات: «المشروع كلفنى نحو 75 ألف جنيه، ونفسى أتوسع، عشان أوفر فرص عمل لعدد أكبر من الشباب».
تعليقات الفيسبوك