حيوانات نزلاء فى الفندق
غرف تحتوى على أسِرة فاخرة، وحمام سباحة وملعب وعيادة، وكاميرات مراقبة لمتابعة النزلاء من الخارج عن طريق الإنترنت، هذا ما تتمتع به الحيوانات الأليفة داخل فندق فى مصر الجديدة، يستضيف الكلاب والقطط بمقابل 110 جنيهات فى الليلة، 90 جنيهاً للإقامة و20 للوجبات.
الفندق أسسه الدكتور أحمد هشام، صاحب عيادة بيطرية، برفقة عدد من الشركاء لمعاونة مربّى الحيوانات الأليفة على السفر وقضاء الإجازات، تاركين حيواناتهم فى أمان، حيث يخصص فندقين وليس واحداً، أحدهما للكلاب، والآخر للقطط، وكلاهما مزود بكاميرات مراقبة ليتابعها أصحابها عن طريق الإنترنت: «فندق الكلاب فى سقارة، والقطط فى مصر الجديدة، وكل واحد فيهم مكون من عدد من الغرف مساحتها مترين فى مترين، بنحاول نقدم خدمة مختلفة للحيوانات ترضى أصحابها عشان يبقوا مطمّنين».
وجبات معينة تُطهى داخل المطبخ، متوسط سعرها يصل إلى 20 جنيهاً، وهى عبارة عن «دراى فود»، ويتم عزل الحيوانات المريضة فى غرف بعيدة عن الأصحاء: «دايماً مربّى الحيوانات عندهم مشكلة أثناء السفر لأنه فيه أماكن وفنادق مش بتسمح بإقامة الحيوانات فالناس بتبقى مش عارفة هتوديهم فين».
نظام توعوى يخضع إليه الكلب والقطة خلال فترة الاستضافة فى الفندق، حيث يأمل «هشام» أن تنتشر فكرته فى جميع المحافظات خلال الفترة المقبلة: «كل يوم الحيوان لازم ياخد شاور ويتطهر كويس عشان الأمراض والحشرات، وبعد كده ممكن ينزل حمام السباحة أو يلعب فى الملعب، كل ده بيبقى مراقب من خلال صاحبه على التليفون».
تعليقات الفيسبوك