استخدم ريشته فى توجيه رسائل إيجابية للشباب، وفى تحويل القبح الموجود فى الشارع إلى جمال يسر أعين الناظرين. محمد محسن، رسام من محافظة سوهاج، استغل موهبته فى الرسم، وإتقان فن البورتريه، فى رسم وتلوين سور فرع شركة الكهرباء بالمحافظة: «الناس معجبة جداً باللوحة، وبييجوا يتصوروا جنبها، مكنتش متوقع ردود الفعل الإيجابية».
رسمها شاب صعيدى فى 150 ساعة على سور محطة "كهرباء سوهاج"
ضمت الجدارية بورتريهات لرموز مصرية وعربية وإسلامية فى مجالات عدة، منهم الدكتور مجدى يعقوب، المصارع محمد على كلاى، فيروز، والكينج محمد منير، واستغرق فى رسمها حوالى 150 ساعة من العمل: «الشباب كانوا بيشوفونى باشتغل ويقولوا لى كلام إيجابى، حماسهم كان بيخلينى أكمل، وبعد النتيجة دى نفسى أكرر التجربة فى أماكن تانية فى المحافظة، كلنا نفسنا محافظتنا تكون أجمل وبنحاول نحسّن شكلها على قد ما نقدر ونحافظ عليها».
شعارات مختلفة تحمل عبارات إيجابية كتبها «محمد» على كل الجداريات التى رسمها حتى يعطى الشباب قدراً من الأمل فى تحقيق أحلامهم، ومنها: «حسّ وفكر»، «خد قرارك»، «جواك إنسان»، «النجاح قلب عنده إرادة»: «بحاول أحفز الشباب بطريقة غير مباشرة، المكان شكله اختلف تماماً، وبقى حضارى أكتر، والشارع بقى نظيف».
وبحسب قوله فإن شارع 15 بمدينة سوهاج الذى توجد به شركة الكهرباء تحوّل إلى مكان لإقامة جلسات التصوير لكثرة ما به من ألوان: «مبسوط جداً لأنى حاولت أعمل شىء مختلف يخدم الناس، وبقى موقع تصوير شبابى».
تعليقات الفيسبوك