تميمة المنتخب الوطنى «توت» أيقونة الموضة أثناء التشجيع
ملابس تميمة المنتخب الوطنى «توت»، صارت أيقونة الموضة أثناء التشجيع، ارتداها عدد كبير من الجماهير، سواء المتوافدون على الاستاد أو المتابعون للمباريات من الخارج، كنوع من التغيير، بدلاً من التيشيرت الأحمر الذى يرتديه الجميع.
فكرة تصميم ملابس على هيئة التميمة توت، راودت صبرى أمين، لتشجيع المنتتخب الوطنى بطريقة مختلفة: «الناس زهقت من التيشيرت الأحمر العادى، وكتير بيحبوا الاختلاف، خصوصاً اللى رايحين يشجعوا فى الاستاد».
صمّم «صبرى» ملابس فرعونية تناسب الكبار والصغار بألوان زاهية: «عملنا نفس ألوان التميمة للكبار، والأطفال اخترنا لهم ألوان فسفورية، علشان تناسب سنهم، وهما بيحبوا الألوان دى، بتخليهم مبسوطين». وحسب قوله فإن هناك إقبالاً على شراء الملابس: «لحد دلوقتى بعت 100 قطعة على نطاق القاهرة والمحافظات الأخرى».
ملابس التشجيع الفرعونية مصنوعة من القطن الوتر بروف: «دى خامة مناسبة للأطفال علشان الزحمة اللى بتكون موجودة فى المدرجات لو حاجة وقعت عليهم، مياه أو عصائر، الهدوم تفضل محافظة على شكلها». وتتراوح الأسعار بين 45 و50 جنيهاً لملابس الكبار، و150 جنيهاً للزى الخاص بالأطفال: «إحنا عاملين للأطفال الزى كامل بكل الاكسسوارات».
تعليقات الفيسبوك