"أنا مسلم بربنا وتركت إسلامكم"..شادى سرور يبرر تركه الإسلام
نشر شادي سرور، صانع الفيديوهات الشهير، مقطع فيديو على صفحته الشخصية قال فيه "ما كنتش عايز أعمل الفيديو ده لأنه بصراحة ممكن ما يكونش ليه أي 30 لازمة"، موضحاً أنه لو عاد إلى الفيديوهات مرة أخرى فسوف يركز في شغله فقط "الفيديوهات الترفيهية اللي برفه فيها عن المجتمع وأرشده فيها للخير".
وأوضح شادي أنه نشر هذا الفيديو لسببين وهما، أن والدته انهارت من البكاء "الست دي بحبها أوي وعمري ما هقبل إني أشوفها حزينة"، أما السبب الآخر فهو يرجع إلى أصدقائه والمقربين منه أو غيرهم الذين تحولوا فجأة لإيذائه "فجأة لقيتهم أعدائى بيتمنوا إنى اتقتل أو اتدبح أو أموت أنا حزين جداً عليكم".
وأضاف سرور أن الله أعطاه العقل وحرية الاختيار أن يبقى إنسانا في الخير أو الشر، موضحاً أن من هذا الطريق ظهر منطق الدين في الأنبياء الذين أرشدوا الناس للخير وأبعدوهم عن الشر.
ولفت شادي إلى أنه شاب ولد في المجتمع العربي المسلم في حي فقير جداً بعين شمس في القاهرة مثله مثل أي طفل يرى الهمجية في أشياء كثيرة حوله مثل ضرب الأب لابنه بأبشع الطرق "ده شيء مش إنساني ومالوش علاقة بالدين"، موضحاً أن هذا الطفل عندما ذهب إلى المدرسة ليتعلم وجد المدرس "واقف له بالعصاية وكانوا بيضربونا بأبشع الطرق تفتكروا الطفل ده لما يكبر هيطلع عامل إزاى أكيد هيطلع طفل همجى جداً، غاضب عايز يعبر عن الشعور اللى جواه ومش عايز يسمع لحد وللأسف هو ده المجتمع بتاعنا".
واستطرد "شادى": "أنا كنت طفل زيى زيكم اتعذبت وشفت كل اللى شفتوه ويمكن أكتر لما تحس أى حد من صحابك أو أهلك بيأذوك حياتك كلها بتتحول لجحيم تخيل بقى أنت بتحس بكل ده وانت عايش في الدايرة الصغيرة بتاعتك، أنا عايش كبيرة جداً فيها ناس كتير بتتعامل معاك من خلال السوشيال ميديا".
وأوضح "شادى" أنه خلال الـ24 ساعة الماضية تلقى كمية تهديدات بالقتل والتعذيب ورفع قضايا وناس تتمنى له الموت، فوجه رسالة لهؤلاء قائلاً "إنتو متخيلين إن إنتم مسلمين إنتم مسلمين فى حتة تانية مسلمين من وجهة نظركم الهمجية، والدين بريء منكم ومن كل تصرفاتكم"، لافتاً إلى أن هناك أشخاص قليلين خيرين "بيعبدوا ربهم كافيين خيرهم شرهم لكن الأغلبية همجيين".
وتابع "شادى": "أنا لما نزلت بوست وقلت سبت الإسلام أنا فعلاً سبت الإسلام بتاعكم ده أنا ماليش دعوة بيه، ده إسلام مش إسلام ده شر وهمجية مالوش علاقة بعبادة ربنا وفعل الخير تماماً" موضحاً "أنا بعبد ربنا أحسن منكم كلكم وكل إنسان دخل جرحنى وشتمني بأبويا وأمي أنت ارتاحت نفسياً حسيت إن انت أروش شاب في الدنيا أصيع بنت في العالم مفيش فى خبرتك اتنين انتو مش مسلمين".
وأردف "شادى": "فى ناس عندنا هوايتها المفضلة إيذاء الغير، الهمجية فى التربية وضرب النساء والأطفال لو ده محلل يبقى انتوا عندكم إسلام غير اللى عندى أنا مسلم بالله مش مسلم إنى أضرب طفل" وقال "لو أى حد عايز يدخل الإسلام وعرف إن في ناس خرجوا منه والمسلمين جابوهم ودبحوهم تفتكروا هيدخلوا، حرام عليكم انتو ملعونين من ربنا بسبب شركم وإيذاكم للناس، بتحبوا ليه الأذى إنتم ماعندكمش قلب، هو ربنا مش قال تعمل الخير ولا تأذوا الناس أنا لو حكيت طول عمرى مش هقدر أقول لكم كنت هعمل فى نفسى إيه فى الفترة الأخيرة أنا كنت هموت نفسى".
تعليقات الفيسبوك