​

هناك بعض المدراء الذين لديهم أسلوب صعب أو سيء جدا في التعامل مع الموظفين، اعتقادا منهم أن ذلك أفضل طريقة للحصول على كل إمكانات الموظف.

ويقدم مصطفى خليفة استشاري تطوير الأعمال، صفات أسوأ القادة على الإطلاق والتي يجب التخلص منها بسبب إزعاج الموظفين من تلك الأساليب.

1. حب السيطرة

"بيحبوا يسيطروا على كل حاجة وعلى الناس اللي معاهم، وأكتر حاجه تضايقهم لو حسوا بفقدهم للسيطرة المطلقه دي".

2. رأيهم فقط

"بيتمسكوا برأيهم بس وشايفينه، هو الرأي الوحيد الصحيح وباقي الآراء غلط".

3. التخويف

"بيديروا الناس بأنهم يخوفوهم سواء بتهديد صريح أو تلميح، والتخويف ده ممكن يبقى بخصم أو بعدم ترقية أو ممكن يوصل لايذاء".

4.  لا يتغيرون

"بيرفضوا التغيير بالكامل مهما ظهر أهمية التغيير لكنهم بيرفضوا مجرد التفكير في تعديل أو تطوير أي حاجة".

5.  لا يوجد توجه

"متقدرش تعرف التوجه بتاعهم ، وده جزء من عدم الوضوح اللي بيعتبره وسيلة من وسائل فرض السيطرة عن طريق عدم معرفة الناس بتوجهاته".

6. عدم التركيز

"متشتتين في توجهاتهم وفي أولوياتهم، ممكن يغير وجهة نظره في دقايق وده لأن عنده أجندته الخاصه، اللي مخبيها وده جزء من الغموض اللي بيحاوط بي نفسه".

7. يقلل من شغل المحيطين به

"دايما بيستخف بشغل الناس اللي معاه وشايف أن شغلهم مالوش لازمة أو أنه يقدر يعوضهم بأي حد، أو هو نفسه يقدر يعمل كل شغلهم ويمشيهم لو حابب".

8. التكبر

"بيتكبر على الناس اللي حواليه وشايف نفسه أفضل من كل اللي حواليه".

9.  له رجالته أو "الشلة بتاعته"

"بيتحيز لبعض الناس اللي بيعتبرهم أهل الثقه بالنسبة له، وبيعتمد عليهم في كل شيء، ومعندوش غير أبيض وأسود يا معايا يا ضدي، مفيش تعامل عادي أو طبيعي".

10. يلوم الأخرين على أخطاءه

"طبعا وجه نظره أنه مبيغلطش،  فبتالي لو حصل أي خطأ بسببه بيرميه على اللي حواليه وبيتهمهم بالتقصير".

11. دائم الغضب

"سريع الغضب ودايما منفعل،  دايما الفريق بتاعه مشدود وخايف وقلقان، وده جزء من فرض سيطرته أن اللي تحتيه دايما خايفين منه، وده بيخلق روح سلبية جدا في الفريق".

12.  ليس لديه منطق

"مفيش منطق في قراراته أو أفعاله، لأنه يا أما بياخد قراره بناء على أجندته الخاصة أو بيبنيه على مشاعره وحبه وكرهه للأشخاص، عشان كده متقدرش تفهم سبب تصرفاته وقراراته".