كوفية
بين "أغلى جاكيت وبنطلون الصحوبية"، ينتشر على مواقع التواصل الاجتماعي العديد من السلع الغريبة التي تعرضها المتاجر، وكان آخرها بيع "كوفية" بعد الخصم بمبلغ 12.999 ألف جنيه لتنهال حالة من السخرية والاندهاش من قبل المتابعين.
وعرضت الصفحة لبيع الملابس على موقع "فيسبوك"، صورة الكوفية، موضحة أن هذا السعر بعد الخصم وشرحت مميزاتها وسبب سعرها قائلة: "ده لأنها مش عادية بمجرد لما تحطها على رقبتك بتديك Balance مش طبيعي وتقدر تلعب أي لعبة حتى لو عمرك ما جربتها قبل كده".
وأضافت الصفحة أن ثاني ميزة للكوفية "أنها في وقت المطرة بتقوم بوظيفة الشمسية بالظبط وبتبعد عنك أي مية".
ومن ضمن مميزتها أيضا وفقا لوصف الصفحة أن يستطيع الشخص ارتدائها في فصل الصيف "الألياف اللي مصنوعة منها بتديك إحساس بالتكييف المركزي".
وانتهى المنشور بـ"الحق قبل ما العرض يخلص متاح منها 3 فقط".
وجاءت التعليقات من مستخدمي "فيسبوك" بالسخرية قائلين: "لو الشحن مجانا ممكن اطلب واحده، لكن هتقولي 13 ألف جنيه وكمان مصاريف شحن هتبقي غالية بصراحة"، "أنا عايز بس أقول حاجه للناس اللي بتقولك بـ13000 ألف جنيه يعني انتوا سبتوا أنها تكييف مركزي وبلانس مش طبيعي كمان وبتبقي شمسيه إزاي مش عارف وبتلعبك أي لعبة ومسكتوا ف السعر".
وتوالت التعليقات بـ"والله ما تكون بتقلب أنجلينا جولي مش هشتريها 13000 إيه اللي أجيب بيها كوفية إحنا بنتشعبط في رضا ربنا"، "بصراحة أنتو بتشتغلونا عشان هي أصلا بـ13000 حتى في الوكالة بنفس السعر وأنتو كاتبين أن هي كدة عليها خصم 50%"، "إيه الهزار ده؟ في محل عندنا بيبيع نفس الكوفية دي بـ12,998 يعني أنتو أغلى إيه ده".
تعليقات الفيسبوك