جوجل- تعبيرية
قرار جوجل بشأن أرباح صناع المحتوى والبلوجرز، أثار جدلا واسعا بين صناع المحتوى على منصات التواصل الاجتماعي المختلفة، إذ دّون صانع محتوى يسمى معتز نادي، عبر حسابه على إكس قائلا إن القرار سيؤثر على صناع المحتوى ماليا، وستتأثر أرباحهم خاصة ذوي مصدر الدخل الواحد الذين يعتمدون على Google AdSense: «التغيير ده بيعني أن المدفوعات والأرباح اللي كان بيستلمها صناع المحتوى أو أصحاب المنصات بالدولار الأمريكي هتتحول للجنيه المصري وده صداع لكل صانع محتوى معتمد على دولارات جوجل لوحده، ده غير أنه فيه منصات تانية، يبقى لازم مصادر دخله تتوزع على منصات أخرى زي ميتا وملحقاته من فيسبوك وإنستجرام غير تيك توك وسناب شات وأي فرصة جديدة».
بينما فّسر صانع محتوى على يوتيوب يدعي يوسف «المحقق»، إن قرار شركة جوجل سيؤثر على صناع المحتوى إذ سيؤدي إلى تناقص أرباحهم سواء القدامى أو الجدد، خاصة أن حسابات جوجل أدسنس مرتبطة بالدولار: «علشان تكونوا عارفين تأثيرات القرار، ده هيؤدي إلى نقص الأرباح، تخيل أنت كنت بتاخد مثلا 10 دولارات على محتوى والدولار ده بيعادل 500 جنيه، إنت بعد القرار هتاخد مثلا 200 جنيه بعد تقييم المحتوى بالجنيه وليس الدولار مع تقليل تسعيرة المحتوى».
صانع محتوى يدعي هشام نوفل، قال عبر صفحته على موقع الفيديوهات يوتيوب، إن القرار سيؤثر على أصحاب المحتوى غير المسجلين بشكل كبير، لكن الشركات والمواقع والصحف المعلنة لن تتأثر كثيرا حيث انها شركات ومواقع مُعلنة لديها حسابات وسجلات: «لو دخلت على جوجل أدسنس هتلاقي الحساب بالدولار فقط، لكن جوجل هتضيف حساب مصري علشان هتتحاسب بالعملة المحلية اللي هي المصرية، وليس بما يعادلها بالدولار، يعني لو أنت كنت بتقبض 100 دولار هتتحاسب بالمصري مع تخفيض التسعيرة».
صناع المحتوى قالوا إن مقدمي المحتوى والبلوجرز، ستتناقص أرباحهم بشكل كبير: «هيأثر بشكل كبير على الأرباح خاصة إن أرباح الناس دي بتكون من المشاهدات والإعلانات فلما يقلل التسعيرة زي فيس بوك دا معناه أن أرباحهم ممكن تقل للنص، علشان كدة لازم يكون عندهم تنوع مصادر دخل، لأن الحركة دي فيس بوك عملها برضو مع صناع المحتوى».
شركة جوجل أعلنت في إيميل إلكتروني جرى إرساله لصناع المحتوى المصريين أنه سيجرى حساب عوائد الدفعات «الأرباح» بالجنيه المصري وليس بالدولار اعتبارًا من 1 مايو 2025، خاصةً للمشتركين في حسابات على AdSense أو AdSense لمنصة YouTube أو AdMob أو مدير الإعلانات سواء قدامي أو جدد.
تعليقات الفيسبوك