آخر التطورات الصحية لـ«أمح الدولي» بعد تعرضه لوعكة صحية
تعرض المشجع الأهلاوي محمد عبدالغني الشهير بـ«أمَّح الدولي»، إلى وعكة صحية نُقل على إثرها إلى المستشفى، لإجراء الفحوصات وتلقي الرعاية الطبية اللازمة للاطمئنان على حالته الصحية، التي تدهورت بعد تعرضه لغيبوبة سكر، إلا أن الأمر تطور ليصل به إلى نزيف في المخ لزم وجوده في المستشفى لمدة أطول.
سيطرت حالة من الحزن على محبي المشجع الأهلاوي محمد عبدالغني الشهير بـ«أمَّح الدولي» بعد تعرضه لوعكة صحية، لتسوء حالته تدريجيًا وتستلزم بقاءه في المستشفى لنهاية الأسبوع، وذلك بحسب ما أكده أحمد عبد الصمد، زوج أخته لـ«الوطن»، أن «أمَّح» بعد تعرضه لوعكة صحية، تطلب الأمر إجراء بعض الفحوصات «هو حاليًا بيعمل أشعة على دماغه، وعنده نزيف في المخ، عملوا له الأشعة من شوية، ولسه منتظرين النتيجة، ولسه حالته الصحية مش مستقرة، بيتكلم بس بصعوبة لسه مش في أحسن حالة، والأطباء قالوا أنه هيحتاج يقد لنهاية الأسبوع في المستشفى».
وأشار «عبد الصمد»: «كان الفترة اللي فاتت بياخد علاجات الجلطة وحالته مستقرة والحمد لله، هو موجود حاليًا في المستشفى علشان يكمل الفحوصات، وكلنا موجودين معاه وربنا يشفيه ويتم شفاه على خير».
بدأت الأزمة الصحية لـ«أمَّح الدولي» بعد طلبه الدعاء من متابعيه، بنشره مقطع ريلز على صفحته الرسمية يشير إلى تعرضه إلى وعكة صحية، وبحسب شقيقيه في تصريح سابق لـ«الوطن»: «الأمر بدأ لما جاتله غيبوبة سكر، وبعدها الدكتور قالي إنه محتاج يعمل كشف مخ، عملنا الأول فحوصات طبية في مستشفى العلمين، علشان نتأكد من حالته وإحنا حاليا في طريقنا لأحد المستشفيات اللي في القاهرة، علشان نعمل رسم مخ ونعرف عنده إيه بالظبط وربنا يشفيه ويطمنا عليه علشان هو صعب يتكلم دلوقتي».
تعليقات الفيسبوك