طبيب أسيوط برفقة خطيبته
بملامح حزينة وعيون باكية، شيع الآلاف من أهالي محافظة أسيوط، جثمان كيرلس القمص وخطيبته جينفر هاني، اللذين لقيا مصرعهما إثر حادث أليم تمثل في انقلاب سيارة بهما في ترعة الإبراهيمية، ما أصاب الأهالي بالحزن والألم، ورثاهما الجميع على مواقع التواصل الاجتماعي.
«مش مصدق خبر الوفاة خالص ومستني في لحظة أن ألاقيه بيتصل بيا، كنت لسه بكلمه إمبارح وبنتفق على يوم الفرح وبنضحك فجأة كدا أمشي في جنازته النهاردة، وجعت قلبي»، بهذه الكلمات بدأ أبانوب إسكندر، أحد الأصدقاء المقربين للطبيب، حديثه لـ«الوطن».
علاقة قوية جمعت «أبانوب» بصديقه طبيب الأسنان الراحل كيرلس القمص جورجيوس: «إحنا قرايب وصديق مقرب مني، بكلمه على طول وأشكيله دايما، وعلى طول بينصحني، الناس كلها بتحبه ووشه بشوش وبيضحك للناس كلها وجع قلبي بموته».
«عريس السما وهيفرح هناك لأن فرحه كان بعد العيد على طول، ربنا يصبرنا على فراقه ويصبر الجميع مكنش في حنيته على الناس وبيساعدهم دايما وكان فيه ناس تروح تكشف عنده ممكن ميكنش معاها فلوس بيكشف عليهم»، وأوضح أبانوب أن الطبيب الراحل معروف بفعل الخير وسط أهالي قريته، ويتمتع بسيرة طيبة.
كما نعت إحدى زميلات خطيبة الطبيب، صديقتها قائلة: «تنتهي رحلتنا على الأرض لتبدأ رحلة أخرى في السماء، وكان موعد الوجع الكبير لو حد فيكم ساب التاني بس ربنا له حكمة في إنكم تمشوا سوا.. ربنا يرحمكم».
تعليقات الفيسبوك