عم محمد
شهدت مواقع التواصل الاجتماعي واقعة أثارت حالة من الجدل بين الجميع إذ رفض زبون استلام الأوردر من عامل دليفري وطلب بطرده من أحد المطاعم في الإسكندرية زعما بأن الرجل الستيني رفض صعود السلم لتسليم الطعام، وطلب منه النزول لاستلامه.
وقال «محمد إيهاب» صاحب الأوردر في تصريحات خاصة لـ«الوطن» إنه منذ عدة أيام طلب الأوردر من المطعم مشيرا إلى أن هذه لم تكن تلك المرة الأولى التي يطلب فيها من المطعم: «أنا طلبت أوردر من المطعم منذ عدة أيام ومكنش أول مرة أطلب منهم بس عشان الطلب عن أبليكيشن طلبات بياخد وقت اكتر».
لم يكن «محمد» يتوقع أسلوب عامل الدليفري معه عندما أبلغه بوصول الطلب: «لما المندوب اتصل بيا أنا مكنتش أعرف سنه ولا شكله، وفوجئت في التليفون بصوت عالي بيسألني اسحبني بالاسانسير فقولتله والله مش بيتسحب ممكن لو كده حارس العقار يطلعك بالكارت زي ما بيحصل فعلا ولكن لسوء الحظ اليوم ده الحارس لم يكن مستيقظ».
يعاني محمد إيهاب من من انزلاق في الفقرات القطنية جعلته يعاني من صعوبة في الحركة ولم يكن لديه القدرة على النزول لتلقي الأوردر الخاص به: «أنا مصاب في ظهري واللي مر بالحالة دي يعرف إنك ممكن تتحرك لكن حركة محدودة وآه بتحرك في البيت وبخش الحمام وبطلع البلكونة، فهي مش إعاقة أو مرض دائم، بس أكيد نزول السلم مرهق وحتى لما بنزل مشوار بيكون في أماكن قريبة» مضيفا أنه توقف عن العمل بعد إصابته بالمرض.
سيطرت على «محمد» حالة من الغضب بعد هذه المحادثة، الأمر الذي جعله يرفض استلام الأوردر عندما صعد إليه عامل الدليفري: «بعد لما رفضت الأوردر كلمت إدارة المطعم واعتذروا ليا عشان أسلوب المندوب كان مش كويس وقالوا هناجي نجيب لك أوردر تاني وحقك عليا».
وتابع: «لم أتلق أي تعويضات من المطعم كما وعدوني الأمر الذي جعلني أتوجه لمواقع التواصل الاجتماعي ونشر التفاصيل، أنا مكنتش متوقع أني ردود أفعال الناس تكون كده وأنا عميل زي أي حد بيشتكي من خدمة العملاء».
تعليقات الفيسبوك