رسمة «بسنت» احتفالا بلقب الزمالك
يحمل درع الدوري بين يده واضعًا الأخرى على كتف زميله احتفالا باللقب الزملكاوي، هكذا زيَّن الأسطورة الزمالكاوية، محمود عبدالرازق «شيكابالا» رسمة بسنت علاء التي جمعت فيها أسرة «نبيه» الأب ونجله، دلالة على تسليم الأجيال لبعضها بطولات الفارس الأبيض، بنفس الطريقة بعد مرور قرابة الـ20 عامًا.
عشق بسنت علاء، خريجة كلية تربية فنية، لنادي الزمالك، دفعها للاحتفال بحصول «الأبيض» على لقب الدوري المصري للعام الحالي على طريقتها الخاصة، مستغلة موهبتها في الرسم، وفقا لما روته لـ «الوطن»: «حبيت أرسم حاجة مختلفة عن أي واحد زملكاوي، ففكرت مع أخويا اللي بيدرس دلوقتي في نفس الكلية، لغاية ما اقترح الرسمة دي، وبدأت أشتغل فيها فعلا لغاية ما خلصتها».
«شيكابالا وهو ناشئ مع أسامة نبيه لما أخدوا الدوري سنة 2002، وشيكابالا لما كبر مع يوسف أسامة نبيه وهما واخدين الدوري 2022»، احتفال زينه أسطورة نادي الزمالك الملقب بـ «الأباتشي»، بحسب «بسنت»: «الفكرة جاتلي من تعليق سابق لبلال علام، لما قال في ماتش شيكا لحق الواد وأبوه.. يعني لعب مع أسامة ولعب مع ابنه يوسف».
اليد الموجودة على كتف شيكابالا والأخرى على كتف يوسف، دلالة على أن الرموز واللاعبين الكبار تحتضن أيديهم اللاعبين الصغار، مضيفة: «ده اللي عمله أسامة نبيه مع شيكابالا لما كان لسه ناشئ، ودلوقتي شيكابالا عمله في الرسمة مع يوسف أسامة نبيه».
وحرصت «بسنت» على كتابة أرقام اللاعبين، حتى تصل فكرة الرسمة إلى جميع المشجعين بسهولة: «اهتميت أن يبقى في جمهور وراهم، لأنهم العامل الأساسي، وفعلا اللاعب رقم واحد اللي بيدي دفعة للعيبة، أنها تظهر بأحسن مستوى عندها».
ردود فعل كبيرة من جماهير الزمالك، لاقتها رسمة الاحتفال بالدوري لـ «بسنت»: «فرحت جدا بتعليقات المشجعين على الصورة، خصوصا لما شاركها أسامة نبيه على صفحته الشخصية عبر فيسبوك».
تعليقات الفيسبوك