القائمين على أنشطة المنصة
15 شابا من الجنسين يدرسون في الفرقة الأخيرة بكلية الهندسة جامعة عين شمس، قرروا تدشين منصة إلكترونية شاملة لكل مجالات العمارة، وتقديم المساعدة للطلاب والخريجين الراغبين في إيجاد فرصة عمل، بجانب عمل التصميمات والتشطيبات وتقديم كورسات مجاناً عبر «يوتيوب» تسهيلا وتيسيرا على جميع طلاب هندسة.
«عاوزين نبقى حافز للطلبة بوجه عام أنهم يبدأوا يدوروا على شغفهم، ويشتغلوا في مجال دراستهم، ويعملوا بيه حاجة تنفعهم وتساعد الناس»، بحسب إسلام موسى، 25 عاما، وصاحب الفكرة، مؤكدا أنه بدأها قبل عامين لمساعدة أقرانه، وانضم إليه عدد من الطلاب المتميزين في الكلية، لتقديم الخدمات المختلفة لزملائهم: «معانا متخصصين كبار بنستشيرهم، وكل الطلبة اللى معايا من أوائل الدفعة، وكل واحد فيهم مميز في حاجة بيقدمها بحب لكل المحتاجين مساعدة».
يحكي «إسلام» أنهم يساعدون الطلاب في تنفيذ مشروعات تخرجهم، وتوفير جميع الأدوات اللازمة لهم دون مقابل، فضلاً عن متابعتهم وتقديم كورسات مستمرة لهم عبر «يوتيوب»: «الكورسات دي بره بتكون بفلوس كتيرة، فاحنا بنشوف أشطر حد فينا ممكن يشرحها بشكل مبسط، ونقدمها بدون مقابل، كمساعدة مننا لزمايلنا في الفرق المختلفة»، لافتا إلى أنهم يقدمون أيضا مشروعات على أرض الواقع، وتصميما وأفكارا تدر لهم دخلا بجانب عملهم المجاني لزملائهم: «ده بيؤهلنا لسوق العمل بعد كده وبيكسبنا خبرة في سن صغيرة».
يقول «إسلام» إنه قام بتشطيب شقتين وهو لا يزال طالبا، وغيرها من المهمات الهندسية التي ينفذها عن جدارة: «نفسنا فكرتنا تنتشر ونساعد شباب كتير، سواء طلبة أو خريجين، يبدأوا حياتهم وبنوجههم لأماكن معينة ممكن يشتغلوا فيها، وبنفتح لهم أبواب يكتشفوا شغفهم من خلالها».
يحلم «إسلام» وفريقه بتأسيس شركة هندسية تعمل فى جميع مجالات العمارة، وتحافظ على أفكارها وأهدافها، التى تتلخص في مساعدة الطلاب، وتنفيذ مشروعات كبرى داخل وخارج مصر.
تعليقات الفيسبوك