من داخل محكمة جنايات المنصورة، التي تشهد أولى جلسات محاكمة قاتل طالبة جامعة المنصورة نيرة أشرف، والذي سبق وأدلى باعترافاته أمام النيابة مؤكدًا ارتكابه الجريمة مع سبق الإصرار والترصد، بعد أن نحرها بدم بارد أمام أبواب الجامعة، في مشهد أفجع قلوب المصريين.
أول ظهور للمتهم محمد عادل داخل قاعة المحكمة
وظهر المتهم محمد عادل داخل قاعة المحكمة يُدلي باعترافاته أمام القاضي، والذي اعترف بارتكابه الجريمة بعد سرد تفاصيل علاقته بالطالبة نيرة أشرف به، قائلًا: «من شهر ونص لقيت واحدة بتهددني وقالت لي هجيبلك رجالة يضربوك ويفضحوك، طبعًا أنا اتصدمت والمكالمة دي استمرت ساعة وقالت لي كلام ماينفعش أقوله وكمية تهديدات».
وأضاف: «أهلي مكانش عاجبهم الموضوع عشان هم ليهم نظرة، ومرضيتش أدخلهم في الموضوع عشان مكانش عاجبهم الموضوع من الأول ولا هي كانت عاجباهم، وفضلت مصدوم فترة، وجيت في يوم قلت أرد لها الشتيمة اللي هي شتمتها وعملت ميل وردت لها كل الشتايم عشان رد اعتباري بعد ما عملت لي بلوك من كل حتة».
وقال المتهم: «أنا قعدت فترة مكنتش مصدق إنها هي اللي اتصلت وقالت لي الكلام ده وردت لها كل كلامها، وكانت حاطة في دماغها اني هرجع أطالبها بكل حاجة، وبعتتلي صاحبتها قالتلي لو فتحت بقك وطالبت بحاجة أنا عاملة محضر بكل حاجة وهأذيك وهجبلك ناس لو فتحت بقك وقعدنا نتحايل عليها نقولها مش عايزين حاجة منك ولو على الحاجات اللي كتبتها يعتبر أنت كتبتي زيها فاحنا يعتبر خالصين».
وأضاف قاتل نيرة أمام المحكمة: «هي كانت بتقول لأ وقعدنا 3 شهور نقولها مش عايزين حاجة ولا هنطالب بحاجة وخلاص كل واحد من طريق، ونتقابل في النيابة، ولحد شهر 3 سنة 2021 قلتلها اللي عايزة تعمليه اعمليه».
وتابع: «هي أصغر إخواتها وأنا كنت بكلم أهلها واخواتها عشان يحلوا الموضوع ويساعدونا ننهي الموضوع، فقالولي احنا مالناش دعوة، وأبوها وأمها عملولي بلوك، واخواتها قالوا احنا ناس متجوزة ومالناش دعوة وروح اتكلم معاها في الكلية».
وأضاف المتهم محمد عادل: «نيرة راحت اتبلت عليا وقالت ده اتهجم عليا وكان عايز يتعرضلي والأمن جه ومحدش كان مصدقها عشان الأمن عارفني وعارف إني ماليش في الحاجات اللي بتقول عليها دي، وروحنا بعد الامتحان زي تحقيق كدا، وقال لظابط الأمن أنا معرفوش ده بيطاردني واتقدملي وأهلي رفضوه وبيتهجم عليا وبيتعرضلي في كل حتة وماليش علاقة بيه».
تعليقات الفيسبوك