استضاف برنامج «حكاوي القهاوي»، عم سعد زغلول والشهير باسم «كبير الجمالية»، ليحكي عن ذكرياته في حي الجمالية وزواجه 28 مرة، موضحا أنه أخذ ذلك اللقب عن والده، إذ أن والده كان كبير الجمالية لأن كل مربع في الجمالية له كبير يقيم مجالس عرفية ويتم ذبح حيوانا ليأكله الجميع، وحاليا حل محل أبيه.
كبير الجمالية: الناس بتجيلي تحل مشاكلها
وحكى «سعد» خلال استضافته في برنامج «حكاوي القهاوي» المذاع على القناة الأولى وتقدمه الإعلامية رشا الجمال، أن أهالي المنطقة يلجأون إليه لحل المشاكل التي تواجهم وفض النزاعات المختلفة: «الناس بتيجيلي لو حد عنده مشاكل مع ناس مثلا، أو عيلتين اتخانقوا مع بعض وبنقعد قعدة عرفية، وفي حاجات كتير بحلها، وساعات بحل مشاكل عائلية زي حد عاوز يطلق ولا حاجة، أو لو حد ضرب مراته مثلا، وبقف في صف الحريم لأن مهما كان الست ضعيفة».
«عم سعد»: الجدعنة موجودة مع اللي عاش فيها
وتابع عم سعد زغلول كبير الجمالية، خلال حديثه في البرنامج: « الجدعنة موجودة مع اللي عاش فيها واتربى عليها، ومش موجودة مع الجيل اللي جاي، دلوقتي بتلاقي المصالح، الأول مكنش مصلحة، والجار يخبط على الجار يشوف فيه إيه وممكن يأكل معاه، وده مش موجود دلوقتي، وبصراحة متلاقيش زي الست بتاعت زمان اللي بتربي».
وتابع: «أنا بحب أكل المحشي والممبار والكوارع، وزمان كانت الكوارع حلوة، أنا دلوقتي عايش مع مراتي وأولادي ومعايا ولدين من واحدة و4 من واحدة تانية، واحد منهم مات، وموته مأثر فيا وفي حياتي، ده كان نور عيني الله يرحمه ومات وهو 19 سنة، أنا اتجوزت 28 واحدة وادلعت وكنت واحد تاني غير دلوقتي وعايش حياتي، بس حاليا معايا ست أم حمادة بس».
تعليقات الفيسبوك