الدكتور هاني جبران، استشاري السمنة والنحافة وأمراض الباطنة
قدم الدكتور هاني جبران، استشاري السمنة والنحافة وأمراض الباطنة، روشتة لمنع زيادة الوزن بعد خسارته بسبب اتباع الحميات الغذائية، قائلا: «لازم نبطل السكر ولا نبدله بعسل، ومفيش حاجة اسمها ليّ معلقتين في اليوم ولا باكل عسل مكان السكر عشان صحي، هو صحي للرفيع مش للي عاوز يخس».
وأضاف استشاري السمنة والنحافة خلال حواره ببرنامج صباح الخير يا مصر، من تقديم الإعلاميين محمد الشاذلي وجومانا ماهر على القناة الأولى والفضائية المصرية: «أسلوب الحياة يجب أن يتغير، ولكي نحافظ على الوزن بعد التخسيس يجب أن نستمر في ممارسة الرياضة، ونحرص على تقسيم الوجبات، ومفيش حاجة اسمها نبطل أكل من بعد الساعة 8 .. ليه بتعذب نفسك؟!».
وتابع: «ممكن نقسم اليوم كله وناكل صحي على مدار اليوم، عشان لو أكلنا وجبة وفيها كل حاجة ممكن نوقف الحرق أكتر، ويجب أن نشرب كميات كبيرة من المياه، والابتعاد عن النظام المتقطع لأنه يقلل الكتلة العضلية وبالتالي بنزيد دهون ونقل عضل .. يا ناكل صح أو مناكلش خالص».
وقدم روشتة للتخلص من السمنة المفرطة، وهي التنظيم لا الحرمان، والتعامل مع النظام الغذائي على أنه أسلوب حياة وممارسة الرياضة والإكثار من تناول الفواكه والتأكد من عدم وجود أي حالة مرضية تحت إشراف طبي.
وأكد، أن السمنة المفرطة تسبب مشكلات في القلب والعظام مثل الالتهابات وآلام الفقرات وبعض الأورام السرطانية والخصوبة الجنسية.
تعليقات الفيسبوك