مذيع الشارع
«الفلوس دي حلال؟»، سؤال أصبح متكررا من الأشخاص الحاصلين على جوائز مالية في برنامج «جبر الخواطر» الذي يقدمه الإعلامي أحمد رأفت الشهير بـ«مذيع الشارع»، بعد أن ظهر في فيديو جديد يثير السؤال ذاته، معيدًا للأذهان الفيديو الشهير الخاص بالسيدة رضا محمد التي أطلقت السؤال بنبرة صوت أثارت ضجة على السوشيال ميديا.
تكرار سؤال «الفلوس دي حلال؟» أثار تساؤلات البعض حول السر وراء ذلك، وهو ما أوضحه «رأفت» خلال حديثه لـ«الوطن»: «عدد كبير من الناس بيسألنا نفس السؤال علشان هما اتعودوا على جمع الأموال بشغلهم اليومي وشقاهم، مش متعودين يلاقوا الحاجة دي على الجاهز».
وأكد مذيع الشارع، أن المفاجأة والصدمة التي تحدث لهؤلاء الأشخاص تكون سبب الأسئلة المتكررة حول حرمانية الأموال: «الناس دي بيكون حاجة خيالية بالنسبة لهم، أنهم ياخدوا مبالغ زي دي إللي ممكن تكون بقيمة 3 أو 4 شهور من قبضهم لما بيشوفوا الرقم ده بيتخضوا، يعني فيه أشخاص بتبقى فاكرة أن الموضوع مجرد خدعة أو هزار، وآخرين بيحاولوا يرجعولنا الفلوس تاني بعد التصوير، لكن بنقولهم أنها من حقهم، وكمان بنبقى متابعينهم شوية لحسن حد ياخد منهم الفلوس».
ويجهل البعض، أن مذيع الشارع يمر عليه عدد من الأشخاص يوميا، بينهم متسولين أو أشخاص غير محتاجين للأموال، لكن الذين يحصلون على الجوائز هم المحتاجون لها فقط، بحسب «رأفت»: «موضوع الأشخاص بيتحسم على أساس خبرتنا في الشغل في الشارع، وإحنا طبيعي مش هندي الفلوس لمتسول، لأننا مش بنشجع هذه الظاهرة السلبية».
وعن سر تقديم الأموال للشخص مرتين أو ثلاثة مرات خلال الحلقة الواحدة، رد مذيع الشارع قائلا: «لما بحس إنه محتاج فلوس أكتر بقوله سؤال تاني علشان يكسب وأديله فلوس زيادة تساعده».
تعليقات الفيسبوك