أغلى وأوفى كلاب بالعالم في سوق الجمعة
داخل سوق الجمعة بمنطقة السيدة عائشة بمحافظة القاهرة، توجد ثلاثة كلاب تخطف أنظار الجميع بلونها الأبيض ومظهرها البريء الذي يجعل الكثيرين من زوار السوق يداعبونها في فرح وبهجة، وتصنف من أغلى الكلاب في العالم وتتميز بوفائها وشقاوتها برغبتها الدائمة في اللعب.
يروي «مصطفى» أحد الباعة في سوق الجمعة، في بث مباشر لـ«الوطن»، أنه يمتلك كلابا من فصيلة «أكيتا إينو»، وهي سلالة شائعة للغاية في اليابان، وتعيش في المناطق الجبلية، ويمتلك الكلب معطفًا مزدوجًا قصيرًا مثل كلب الراعي الألماني أو الهاسكي: «الكلاب عندي بقالها حوالي سنتين وحبيتها جدا بعد ما اتفرجت على فيلم «هاتشي حكاية كلب» واللي بيحكي عن كلب كان متعود يروح مع صاحبه دايما الشغل ويستناه لما يروح، لغاية ما الشخص مات في يوم بس الكلب فضل واقف قدام الشغل بتاع صاحبه ومتحركش لحد ما مات».
الكلاب البيضاء تعرف باسم كلاب الرؤساء، إذ يحرص الكثير من رؤساء دول العالم على اقتنائها بسبب وفائها الشديد وندرتها: «سعر الجرو تقريبا 4000 جنيه، وهم مش شرسين خالص، الكلب بطبيعته هادي وأليف، لكن بيكتسب الشراسة والعنف بحسب اللي بيربيه».
وعن النظام الغذائي لأغلى كلاب في العالم، ذكر «مصطفي»: «الكلب بياكل أي حاجة، أنا بربيهت عندي في البيت وبياكلوا كل حاجة، وساعات بسبوسة وكنافة وممكن دراي فود، وأعمارها بتوصل لحد 16 سنة، وأنا كان عندي كلاب تانية بس الفصيلة دي تحديدا بحبها جدا علشان وفائها النادر».
وتابع: «بجيبلهم شاور جراوي، وده بيمنع تكوين الحشرات، وأهم حاجة العناية، الدراي فود بيبقى زي مكافآت، وانا بحبهم جدا وعندي 3، اتنين ذكور وبنت، وهما بطبيعتهم بيرتبطوا باللي مربيهم جدا ومبيسبهوش أبدا».
تعليقات الفيسبوك