بيج رامي
أزمات عديدة يتعرض لها بيج رامي، بطل كمال الأجسام المصري، بين الحين والآخر، لكنه دائما يتمكن من التغلب عليها، خاصة الصعوبات التي تعرض لها قبل بطولة مستر أولمبيا الأخيرة التي توج بلقبها، الأمر الذي أثار تساؤلات البعض، حول كيفية مواجهة زوجته الأولى بعدما علمت بزواجه من أخرى عن طريق وسائل الإعلام والسوشيال ميديا التي تداولت صور حفل زفافه.
وأوضح بيج رامي في تصريحات سابقة مع الإعلامية إسعاد يونس، عبر فضائية «دي إم سي»، أنه بالصبر والوقوف على أرض صلبة، لا يمكن لأي مطب أن يجعلك تتعثر في حياتك، مضيفًا: «في الوقت اللي هتحس أنك ناجح وحاسس أن معاك كل حاجة وقدراتك هتكسبك، ممكن تجيلك حاجة تهد ده كله، بس هل أنت عندك القدرة أنك تسترجع نفسك وتقف على رجليك تاني؟».
«السنة دي كانوا بيسألوني في أولمبيا أنت كنت مصدق أنك تعمل أولمبيا تاني، قلت لهم أنا فيه حاجات ورا الإعلام محدش يعرفها قبل ما يشوفوا التتويج ده»، بحسب بيج رامي: «يعني السنة دي أنا شوفت فيها اختبارات صعبة جدا، فيها حاجات مينفعش تتقال، لكن قدر ليا أن يبقى جنبي ناس قادرين يدفعوني أني أكمل، ومنساش الفضل لأصحابي اللي كانوا دايما في ظهري وسند ليا، منهم رضوان وأحمد منصور وعمرو وإسلام، وغيرهم كتير كانوا أصحاب الفضل في التتويج الأخير ليا».
وأكد بيج رامي، أن «القصد من حديثه ذلك، أن لازم تمر بأزمات وعثرات حتى لو أنت ناجح، لأن ده اللي بيخليك تحافظ على النجاح، ومن عوامل النجاح وجود ناس مؤمنة بقدراتك، لأن اللحظات الصعبة دي لما بتطلع منها بتحس أن مفيش حاجة تقدر توقفك».
ووجه بيج رامي رسالة إلى أصدقائه بعد تتويجه بالبطولة: «قولتلهم الحمد لله أن الصعوبات دي مرت بحياتي في الفترة دي، علشان أبقى مصدق أني أقدر أعمل أي حاجة في الدنيا، ومحدش يقدر يوقفني، بس أهم حاجة دوسوا على أرض جامدة».
تعليقات الفيسبوك