بجعة
أثارت بجعة الخوف في نفوس الأطفال، والحيرة في أذهان الكبار، فالكثير توقع أن تكون وزة أو بطة كبيرة، فضلاً عن تسببها في زحام مروري بشارع رئيسي، بعد هروبها من محل أسماك، إذ كانت تعمل كموديل لجذب الزبائن، في مقابل عطف صاحبها عليها بإعطائها بعض الأسماك لتتغذى عليها، وأصبحت حديث مواقع التواصل الاجتماعي.
يروي «علي» تفاصيل العثور على بجعة تائهة في شارع الاستاد بطنطا، وتسببها في زحام مروري، إذ توقفت جميع السيارات خوفا من طائر غريب الشكل كبير الحجم مجهول بالنسبة للكثيرين: «إحنا كنا ماشيين في الشارع لقينا العربيات كلها واقفة ومش عايزة تمشي، بسبب طائر محدش عارف هو إيه، ناس كتير أول مرة تشوفه وفيه اللي بيقول دي وزة أو بطة كبيرة».
يعيش «علي» في شارع محمد فريد بطنطا في محافظة الغربية، والتقط بعض الصور للبجعة ونشرها على مواقع التواصل الاجتماعي، للمساعدة في التوصل لصاحبها: «نشرت على صفحات فيس بوك، وبعد وقت قليل تواصل معايا واحد وقالي إن البجعة دي بتاعته كان شاريها عشان تشتغل موديل تجذب الزباين في محل أسماك بشارع الأشرف، وتأكدنا من صحة الكلام في كذا حد جه قالنا إنه شاف الطائر الغريب ده في نفس المكان كذا مرة، الراجل استلمها وشكرنا لأنه خايف عليها جدا»
عرف «علي» قصة ضياع البجعة من صاحبها، ففي أثناء عملها كموديل أمام المحل، هربت طيرا أو سيرا على الأقدام، بالرغم من معاملة الناس لها بلين وإعطائها يوميا بعض الأسماك التي تتغذي عليها: «كانت بتجري وتدخل على الناس في القهاوي، وبعض فترة عرفنا ندخلها مكان تفضل فيه لحد لما يجي صاحبها».
تعليقات الفيسبوك