محمد عبد القادر الشهير بـ«أبو دراع»
ضجة كبيرة واحتفالات واسعة سيطرت على ملايين المصرين، للتعبير عن شعورهم بالفخر لفوز لاعب كمال الأجسام ممدوح السبيعي الشهير بـ«بيج رامي» ببطولة مستر أولمبيا للعام الثاني على التوالي، في إنجاز مصري رياضي جديد، وعلى طريقة اللاعب، هناك شخص آخر من أبناء منطقة بولاق الدكرور، يتميز بعضلات ذراعيه القوية والضخمة، ويعرف باسم «أبو دراع».
يروي محمد عبد القادر، الذي يعيش في منطقة ناهية ببولاق الدكرور بمحافظة الجيزة، أنه منذ 6 سنوات بدأ في حقن ذراعيه بالهرمونات لإعطائهما مظهرًا قويًا، حتى لُقب بـ«أبو دراع»: «أنا عندي 25 سنة، وابتديت أحقن هرمونات في دراعي من وأنا عندي 19، يعني حوالي 6 سنين علشان أوصل عضلات دراعي للشكل ده».. حقن الشاب العشريني ذراعيه بـ«خلايا ميتة»، وهي عبارة عن عدة تركيبات هرمونية مختلفة أعطته مظهر مخيف وضخم: «أنا واخد أكبر دراع في مصر كلها، وبتقارن مع كذا حد في العالم».
بسبب طبيعة عمله كـ«بودي جارد» منذ 10 سنوات، اضطر الشاب العشريني لحقن ذراعيه واكتساب عضلات على طريقة بيج رامي: «الهرمونات دي مفيدة لشغلي وأنا متابع مع دكتور شخصي وبيعمل ليا تحاليل دورية علشان يطمن على صحتي»، بحسب حديث «أبو دراع» في بث مباشر لـ«الوطن».
لا تشكل تلك الهرمونات أي ثقل على ذراعي «محمد»، فهو يفعل أي شئ لمهنته التي أحبها في مجال الحراسة حتى استطاع تحقيق ما يتمناه، بافتتاح مكتب جاردات خاص به، بالإضافة إلى فرع جيم: «شكل دراعي ملهوش علاقة بالقوة العضلية، ده منظر بس، وأنا كان شغلي عايز كده، والوضع اللي أنا فيه مش مرهق خالص».
شدد الشاب العشريني على عدم أخذ تلك التركيبات الهرمونية نهائيًا لأضرارها الكارثية: «محدش ياخد الكلام ده خالص، محدش ياخد تركيبات الهرمونات دي نهائي، بلاش موضوع الهرمونات مضرة جدًا بالصحة وأنا بعملها مع طبيب خاص».
تعليقات الفيسبوك