فيفي عبده
قالت الفنانة فيفي عبده، إن الراقصتين الراحلتين تحية كاريوكا وسامية جمال هما أصحاب الفضل عليها في مجال عملها وحياتها بشكل عام، حيث إنها تعلمت منهما أعمال الخير والتواضع للفقير والتواصل معهم، بحسب قولها «كنت بخلص شغلي وأروح لتحية كاريوكا في سيدنا الحسين أو السيدة زينب، كانت دائما بتجيب عجل شرك هي وأصدقائها، وكنت بلاقيها قاعدة بتغسل المواعين وكنت بدخل أشاركها، واتعلمت منها الكويس».
ونفت فيفي عبده، خلال استضافتها ببرنامج «السيرة»، والذي تقدمه الإعلامية وفاء الكيلاني، والمذاع على فضائية «DMC»، اليوم الجمعة، وجود أي مشكلة بينها وبين الراقصة الراحلة سامية جمال خاصة وقت وفاتها، «سمير صبري حي يرزق ويسأل عن ده، إحنا روحنا ليها العزاء، وكنا كتير جدا في الجامع، ولكن رفضوا السيدات تروح المدافن».
وواصلت قائلة: «الاتنين (سامية جمال وتحية كاريوكا) علموني إزاي أبقى ذكية وأزاي أخلي بالي من حياتي، وأنا من زمان جدا بفكر في آخرتي هعمل فيها إيه، وأنا عاملة كويس جدا لعذاب القبر، والناس بتحاسبني على الصغيرة والكبيرة، ولكن ربنا هيتكفل بيا وهو اللي هيحاسبني، واتعلمت منهم إزاي أخاف وأعمل حساب ربنا، الناس دي عظماء».
وأوضحت فيفي أنها تزوجت من 5 أشخاص طيلة حياتها، ولكن أسئلة بعض الإعلاميين هي التي تخرجها من شعورها وتدفعها للإجابة بشكل خاطئ، «كنت بطلق وأتجوز، وكل جوازاتي كانت عرفي لأني مش بعرف الراجل قبل ما أتجوزه، وأول جوازة شرعي ليا زوجي مكنش عايز يطلقني خالص، كنت صغيرة».
وأضافت أن أولى الأبناء التي رُزقت بها كانت وهي في سن الـ25 عاما، كما أن آخر زيجة لها استمرت حتى الآن 25 عاما وهو شخص أردني وتنعم علاقتهما بالتفاهم والاحترام، «أحد أزواجي كان هيطلقني علشان جه لقاني قاعدة مع عبدالحليم حافظ، ولكن مطلقناش، والفشل في الجوازات بيكون بسبب الست مش الراجل، لأن الراجل طفل صغير».
وتابعت: «أي ست لما بتطلق بيطلع عليها شائعات، وأنا كنت بقطع عرق وأسيح دمه، والطلب عليا بالجواز كان كتير، وكانوا عايزين يخطفوني وأنا في فترة العدة الـ3 أشهر».
واستطردت: «كان فيه واحد هندي شافني وأعجب بيا في بريطانيا وكان عايز يتجوزني وروحت زورته هناك في الهند لقيته شخصية محبوبة، وعزمني عند مراته وولاده وكان هيتجوزني على مراته، ورفضت أسافر معاه الهند».
تعليقات الفيسبوك