الطفلة زينب العاصي
ذهبت إلى تمرين السباحة ولم تعد.. حدث قلب حياة أسرة من محافظة القليوبية رأسًا على عقب، فبعد أن ذهبت الابنة الصغرى زينب رضا العاصي، التي تبلغ من العمر 13 عامًا، إلى تمرين السباحة اختفت ولم تعد إلى منزلها، ومن يومها والأسرة المكلومة تعيش أسوأ أيام حياتها.
بكاء الأم وصرخاتها المستمرة لا يتوقفان، وعجلة سيارة الأب لم تتوقف عن الدوران فهو يبحث عنها في كل مكان دون جدوى، يحكي الأب رضا العاصي لـ«الوطن» تفاصيل اليوم المشئوم الذي اختفت فيه ابنته: «مش مصدق اللي حصل لحد دلوقتي ولا عارف أعمل إيه، أمها من يوم غيابها وهي عينيها مابطلتش دموع، وبتصرخ علشانها، ونفسي ألاقي البنت وأفرح أمها بيها».
ظروف اختفاء «زينب» غريبة، بدأت بذهابها إلي أحد الأندية لممارسة رياضة السباحة، التي أحبتها كثيرًا ودائما ما كانت تذهب إلي التمرين وتعود مبكرًا إلي المنزل دون تأخير، حتي جاء اليوم الذي خرجت فيه ولم تعد حتي الآن وتركت والديها في حيرة شديدة: «متعودة تروح حمام السباحة بتاع المؤسسة، ويوم الجمعة اللي قبل العيد على طول راحت بعد الصلاة تتمرن، وكنت أنا شغال ولما رجعت ملقتهاش موجودة، قلت لأختها روحي شوفيها وفعلا راحت لاقتها بتشتري ساندويتش كبدة من قدام النادي، قالت لها اتاخرتي ليه أبوكي بيسأل عليكي، قالت لها لسه مخلصتش تمرين ومشيت ورجعت النادي تاني ومن بعده اختفت».
تأخرت الفتاة عن العودة إلي المنزل مما أصاب ذويها بقلق شديد: «خرجنا كلنا ندور عليها ومفيش فايدة، روحت كل مكان ليا فيه أقارب أسأل عليها، بدور بعربيتي، وأمها بتلف علي كعوب رجليها يوميا من يوم غيابها ومفيش فايدة، وعملنا محضر رقم 4574 لسنة 2021، ولحد دلوقتي مفيش أي معلومة عنها كأنها فص ملح وداب».
تعليقات الفيسبوك