حسن شاكوش في الجيم
«حسن شاكوش في الجيم»، من الجمل التي تداولت بقوة خلال الساعات القليلة الماضية بعدما نشر حسن شاكوش فيديو له عبر صفحته الرسمية بموقع التواصل الاجتماعي «فيس بوك»، يظهر فيه داخل الجيم معلقا عليه: «كلام مهم يا ريت كل الشباب تدخل تشوف الفيديو»؛ ليلقى منشوره تفاعلا كبيرا من قبل متابعيه.
وفي بداية الفيديو، ظهر حسن شاكوش جالسا على إحدى الألعاب الموجودة داخل صالة الجيم مرتديا بنطال لونه أبيض و«تيشيرت» أسود، وبعدها بدأ رسالته: «إخواتي وحبايبي أنا كنت طالع دلوقتي عشان نتكلم في حاجة مهمة بقول للشباب إن كل واحد لازم يبقى عنده طموح وهدف في دماغه إنه يحققه ومحدش ييأس».
واستكمل مغني المهرجانات رسالته، مضيفا أنه بالرغم من عمله وضيق وقته من أجل تقديم أغاني تسعد الجميع، إلا أن حياته الشخصية مختلفة، ناصحا الشباب: «أنا بنصح كل الشباب إنها لازم تنزل تتمرن وتروح الجيم رغم إن أنت برضه الظروف اللي أنت فيها والكلام دة، حاول يكون فيه هدف في دماغك تحققه وتعمله».
كما نصح حسن شاكوش، الشباب بالابتعاد عن المخدرات والمواظبة على ممارسة التمارين الرياضية، فضلا عن وجود هدف في الحياة، قائلا: «طول ما أنت بتتعب هتلاقي، لكن طول ما أنت قاعد في البيت والكلام دة مفيش حاجة بتيجي كدة، لازم تتعب ولازم تجتهد عشان ربنا يكرمك ويحققلك كل اللي أنت عايزه».
إقرأ أيضا: بعد أغنيته مع ياسمين رئيس.. أرباح قناة حسن شاكوش ملايين الجنيهات
وبعد لحظات من نشر الفيديو، بدأ متابعو «شاكوش» في التعليق على ما قاله؛ إذ كتب حساب يحمل اسم «زينب توفيق»: «ناقص تقول لنا الطموح حلو»، فيما علق آخر: «أنت اتكلمت عن الأكل والجيم والمخدرات والنوم كويس والصحة ونسيت تتكلم عن أهم شئ الصلاة».
كما قال حساب يحمل اسم خالد محمد: «معظم الشباب مسحول في شغله مفيش وقت أصلا يادوب الوقت اللي فاضي بينام فيه عشان الشغل تاني يوم اسكت».
كما سخر بعض المتابعين من طريقة حديث «شاكوش» عن الجيم معتبرين أن ما يرغبه هو إخبار الجمهور بذهابه إلى صالات الألعاب الرياضية، موضحا حساب باسم «إيمان الفقي»: «من الآخر كده عايز يعرفنا أنه في الجيم».
تعليقات الفيسبوك