سمر
«قولت لها انزلي يا سمر اسحبي لي فلوس من البوسطة عقبال ما اجي من الشغل، ومرجعتش تاني».. هكذا اختفت الأم في ظروف غامضة، وتركت خلفها 3 أطفال بأعمار 5، 3 سنوات، وأصغرهم رضيع بعمر السنة، ولم يترك الزوج والأب سبيلاً فيه أمل للعثور عليها إلا وبحثا فيه، فقد طال الغياب لـ 5 أيام.
خرجت سمر شحات فرج زايد، 24 عاماً، والمقيمة في مركز أبو المطامير بمحافظة البحيرة، يوم الثلاثاء الماضي، حتى تقوم بسحب أموال لزوجها، بعدما هاتفها بضرورة الخروج للبوسطة التي تبعد مسافة صغيرة عن منزلهما: «بنتي فعلًا خرجت ونزلت وراحت البوسطة، بس مسحبتش وخرجت على طول، وده اللي شوفناه في تفريغ الكاميرات بعدها اختفت، فص ملح ودابت، ولا كأنها كانت في البوسطة، ولحد تالت يوم العيد منعرفش هي فين» بحسب والدها شحات فرج.
قام الأب والزوج بتحرير محضر باختفاء «سمر» برقم 3327. يقول الأب، إنها لم تكن على خلافات مع زوجها، وكانت حياتهما مستقرة: «مكنتش بتشتكي من أي حاجة، وكنا قاعدين في اليوم ده مستنينها تيجي لأننا كنا عاملين كحك وبسكويت عشان نديهولها لما تيجي ومجاتش» بحسب الأب.
ويذكر أنه لم يترك سبيلاً ولا منزلًا داخل منطقته إلا وبحث فيه: «كلمنا كل قرايبنا اللي في كل مكان، قولنا يمكن يكون راحت عندهم، ودورنا في أقسام ومستشفيات وبنتي مش لاقينها، ودي ساية وراها عيال صغيرة مش مبطلين عياط كل شوية عايزين ماما، وأنا مش عارف أصبرهم واسكتهم إزاي وأقولهم أمكم راحت فين، مش هيفهموني».
تزوجت «سمر» من زوجها منذ 5 سنوات، وحياتهما بين الاستقرار والمشادات الزوجية التقليدية: «أي حد جوه بيته في مشاكل وكانت عادية، لكن في المجمل مسمعناش أي حاجة بينهم أو مشكلة» بحسب الأب، وقد خرج مع زوجها يبحثان عنها وهما يحملان صوراً لها، وقاما بتحميل صورها لى صفحات «فيسبوك» حتى تساعدهم قوة «سوشيال ميديا» في البحث عنها.
تعليقات الفيسبوك