أول تعليق من علي غزلان بعد خطوبته لملكة جمال مصر السابقة
ضجة كبيرة أثارها اليوتيوبر والطبيب علي غزلان، منذ إعلان تقدمه للزواج من ملكة جمال مصر السابقة لعام 2017، فرح شعبان، باستخدام خاصية القصص المصورة «ستوري» عبر حسابه على موقع تبادل الصور والفيديوهات «إنستجرام».
وجاء أول تعليق من علي غزلان بعد إعلان الخطوبة، بنشر صورة له مع خطيبته عبر حسابه الشخصي على موقع التواصل الاجتماعي «فيس بوك»، معلقا عليها: «رُبّ قدرٍ يُساق إليّنا خيرٌ من ألفِ حُلم.. كل إنسان ليه 24 قيراط في حياته وأنا ربنا رزقني بيهم كلهم فيكي».
وأضاف «غزلان»: «من يوم ما شوفتك ما شوفتش غيرك.. كأن حياتي بدأت من النقطة دي.. كل حاجة فيا اتغيرت.. ابتديت أشوف كل حاجة بشكل مختلف.. اابتديت أعيش بجد.. حتى النفس اللي بتنفسه بقى ليه طعم تاني.. إزاي ده حصل و إمتى وليه ؟!».
وأستطرد غزلان حديثه: «معنديش تفسير غير إني بحبك، بحبك كأني كنت تايه وفجأة وصلت.. أول ما قابلتك حسيت أني أخيرا في المكان المناسب.. كنت بدور على الحب طول السنين اللي فاتت ولما قابلتك اكتشفت إني كنت بدور عليكي إنتي، كنت فاكر إني متأخر.. بس معاكي اكتشفت ان كل حاجة بتيجي في وقتها.. وإن المعجزة اللي عشت بطلبها من ربنا عشان تغير حياتي كانت إنتي».
اقرأ أيضًا.. اليوم علي غزلان يتقدم للزواج من حبيبته.. «مش منة عرفة» (صور)
وجدير بالذكر، أن علي غزلان، ارتبط عاطفيًا بملكة جمال مصر السابقة، عقب انتهاء علاقته بالفنانة الشابة منة عرفة التي جمعتهما الكثير من الشائعات، والتي انتهت بإلغاء متابعة كلًا منهما للآخر.
تعليقات الفيسبوك