«لو نفسك تشتري شقة في مكان فيه كل اللي نفسك فيه بجد.. تعالى اسكن هنا.. إحنا لا قريبين من التجمع ولا قريبين من أكتوبر.. إحنا قريبين من الطيبة والجدعنة.. عندنا مسمهاش وحدات سكنية اسمها شقق عادي ومش بـ10 مليون جنيه» بهذه الكلمات تحدى «محمد» إعلانات رمضان عن الكومبوندات السكنية باهظة الثمن، بالترويج إلى السكن داخل المناطق الشعبية.
قرر اليوتيوبر محمد يسري، من سكان من منطقة شبرا، الترويج للشقق السكنية في المناطق الشعبية والتمتع بصُحبة الجيرة الطيبة والود المتبادل بينهم، وشهامتهم ووقوفهم إلى جانب بعضهم ومساندتهم في الشدة والأحزان، ولإقامة الأفراح والموائد الرمضانية مع بعضم البعض، هذه هي صفات سكان المناطق الشعبية، لذا فهو يعتبرها الأفضل من الوحدات السكنية مرثفعة الثمن والتي تحتاج إلى ملايين الجنيهات للسكن بها، وقد تخلو من الجيرة الطيبة وفقاً إلى حديثه لـ «الوطن»: «الكومبوند محتاجة ناس تاني وليفل عالي مش إحنا اللي ساكنين في منطقة شعبية بنعمل لنفسنا الحياة الحلوة بالقعدة الحلوة على القهاوي البلدي وبالسوق الشعبي اللي كل أمهاتنا بتتسوق فيه تجيب خضار، كل دي مميزات إنما الكومبوند هدفع دم قلبي في فلوس ومش هلاقي جيراني».
من خلال فيديو قصير قدمه «محمد» وهو يصور الحياة داخل منطقة شبرا، بسيطة وأهلها متعاونين ويحبون الخير إلى بعضهم، ويقول: «الحياة هنا برضه مميزة تعالى عيش وسطنا وطول ما كل أحبابك حواليك أنت هتكون أسعد واحد حتى لو عيشت في شقة صغيرة فوق السطوح المهم الواحد يبقى عايش فيها مرتاح البال ومبسوط».
ومن ضمن المميزات داخل المناطق الشعبية التي حرص «محمد» على إظهارها، أن هذه الشقق السكنية لا تحتاج إلى مبالغ طائلة ويمكن السكن فيها بقسط شهري بسيط: «ولو اتاخرت في دفع الإيجار صاحب البيت بيفوت شهر واتنين وتلاتة عشان بيبقى حاسس بالأزمة المادية اللي الواحد ممكن يبقى فيها وقلبه بيبقى عليه وبيسيبه ساكن في الشقة مكانه.. عشان كده تعالوا انتو أسكنوا في المنطقة الشعبية».
تعليقات الفيسبوك