بين الحين والآخر تظهر بعض الابتكارات المختلفة، التي تثير جدلا عبر مواقع التواصل الاجتماعي، إما لغلو ثمنها أو لكونها جديدة تماما على المستخدمين.
وأثار منشور عبر إحدى صفحات التسوق الإلكتروني، جدلا واسعا للغاية بين رواد السوشيال ميديا؛ إذ تضمن منتج جديد وهو عبارة «حقيبة للبيض مصنوعة من الكروشيه».
وجاء في تفاصيل العرض: «البيض البلدي مفيش أحسن منه (وخصوصا اللي جاي من الريف مباشرة)، المشكلة إنه بيجي غالبا سايب من غير كرتونة وبيعبوه في شنط بلاستيك أو أكياس نايلون وطبعا ده بيعرضه للكسر، ودلوتي لقينا للمشكلة دي وهو جراب البيض الكروشيه».
ووفقا لما ذكرته صفحة التسوق الإلكتروني: «الجراب صناعة يدوية بأيدي مصرية، سعة 20 بيضة، ومناسب للبيض البلدي والعادي وبيض البط والوز كمان، وسعرها 1500 جنيه لفترة محدودة مع هدية عبوات سلق البيض السيليكون من غير تقشير».
ولاقى المنشور سخرية وجدلا واسعا؛ إذ جاءت تعليقات المستخدمين عليه كالتالي: «حقيقى شكرا الصفحة حلت مشكلة البيض، والبطيخ في انتظاركم، يعني أجيب بـ20 جنيه بيض في حزام بـ1500 جنيه عشان أحافظ عليه؟، شنطة البيض بـ1500 جنيه؟، طب بالنسبة للمانجة حتعملوا لها شنطة مرصعة بالذهب والفضة، أنا اللي غايظني فعلا مش أنه بـ1500 جنيه لأ اللي غايظني بجد أنه بيشيل 20 بيضة بس، يعني مش مكمل كرتونة كده هاضطر اشتري 2 منه».
وتوالت التعليقات المختلفة: «يا جماعة هو يقصد 15 جنيه، الأصفار دي مكتوبه غلط، احنا خلصنا من جراب البطيخ اللي بـ3000، ولا شنطة بيض النعام اللي بـ2500 لما ندخل على شنطة البيض، الواحد بصراحه مش عارف يشكركم إزاي انتوا حليتوا المشاكل اللي كنا مش بنام بسببها، جراب للبيض بـ1500 أنتوا ابهرتونا يا جماعة والله كفاية بقا عشان كتييير».
تعليقات الفيسبوك