أحمد وحيد
بـ«مرض نادر».. إلتهابات شريانية، جعلت قدمه تتضخم بشكل يمنعه من إرتداء «جزمة أو كوتشي»، وتجبره على «الصندل»، باعتباره الوحيد الذي يناسب حال قدميه.
«مفيش جزم مقاسك ومتدورشي عشان مش هتلاقي»، كلمات اعتاد الشاب أحمد وحيد طلعت، على سماعها كلما حاول شراء حذاء.
حكاية ابن مدينة المحلة الكبري، صاحب الـ25 عاما بمحافظة الغربية بدأت مع الإلتهابات الشريانية، منذ ولادته، حيث يقول «أحمد» في حديثه مع «الوطن»: «أنا مولود بالالتهابات الشريانيه، يعني عندي الشرايين متلخبطة في رجلي، وطبعا تعبي نادر في العالم»، خاضت أسرة الشاب رحلة طويلة مع المستشفيات، أملا في علاج لأبنهم، لكن لم يجدوا من يزرع بداخلهم أملا في ذلك،«دخلت مستشفيات كتير من وأنا صغير، لحد ما كبرت كنت بتعب من الشرايين لأنها كانت بتلتهب كل شويه».
راضي وقانع
«التعب» كان يتحمله الطفل حينها وهو راضي وقانع بما اختاره له الله سبحانه وتعالي، وحتى مع بداية تغيير شكل قدمه، ظل راضيا بقضاء الله وقدره ومبتسما لحياته ومعنادا لصعوباتهاا: «مع الوقت رجلي وصلت للشكل ده، والحمد لله علي كل حال مافيش علاج لتعبي، بس أنا راضي، وطبعا مش بلبس كوتشيات علشان مافيش مقاسات تناسب رجليا دلوقتي».
الأخ الأكبر
أحمد حاصل على دبلوم تجاره وأخ لثلاث أخوات، وهو الأبن الأكبر لوالداه المحال على المعاش، ولهذا كان عليه أن يتحدي كل ظروفه ويبحث عن عمل، لكن الأزمة أن لا أحد راعى حالته وحاول أن يوفر له وظيفة يعتمد عليها كمصدر دخل له ولأسرته، مؤكدا: «كنت قدمت في 5% لذوي الاحتياجات الخاصة، علشان اشتغل بس رفضوا أوراقي مع أنه شغل الحكومي، وقالولي أعمل ورق معاش بس مافيش نصيب، ومافيش حد عايز يشغلني في شغل الخاص بظروف رجليا دي».
حلم بسيط
أحلام الشاب أحمد وحيد بسيطة وتتمثل فى الحصول على وظيفة مناسبه لحالته: «نفسى كمان أقابل المطرب تامر حسني، اللى بحبه بشكل كبير وبحب كل أغنياته وبنشرها دائما عبر حسابى الشخصي على موقع «فيس بوك».
تعليقات الفيسبوك