«مواطن مصري أصيل مطحون.. بس في السفر، بقاله 12 سنة عايش في إنجلترا، غاوي ترحال، وركوب طيارات، لدرجة أن الهواء أصبح لعبته، ويركب الطيارة ويطير بها إلى أقرب بلد مرة عربية، ومرة أجنبية، ولا يترك دولة إلا وكان مكتسب منها عادة جديدة، ويكون صداقات كثيرة من شعبها»، هذه الصفات والخبرات استطاع أن يجمعها اليوتيوبر كريم السيد، صاحب سلسلة فيديوهات عن السفر الخارجي والداخلي ويتابعه أكثر من مليون شخص، وأجرت «الوطن» معه حوارا خلال سفرياته إلى الخارج.
إيه الدولة اللي لو عندك فرصة تسافرها كل سنة؟ وليه؟
بالنسبة ليا هي مصر بما اني مغترب خارج مصر
- لو عايزة أسافر بميزانية اقتصادية أخطط ازاي وأيه الدولة اللي اروحها؟
بالي في إندونسيا رخيصة جدا ومناظر جامدة، أنا شخصيا مروحتش بس إن شاء الله أروحها.
- لو جاي لك سائح من بره مصر، تحب توديه على فين غير الأهرامات؟
سيوة والفيوم الاتنين فيهم جمال وأماكن محدش كتير يعرف عنها ومختلفة للأجانب.
- لو زوجين حابوا يسافروا مع أولادهم، هل في دولة تستحمل رحلات أسرية؟
المغرب.
- طب لو صادف وسافرت في رمضان، أروح فين بحيث استمتع بأجواء رمضانية وخيامية؟
بالنسبة ليا مصر.
- مين تحبه يكون رفيقك؟
مراتي أو صديق ليا.
- هل السفر لوحدك متعة ولا مع رفيق؟
مع رفيق.
- إيه البلد اللي مستحيل تنسى أكلها؟
مصر.
- طقسها زي مصر، شعبها خدوم، أكلها نسخة مصر، إيه الدولة دي؟
كتير من الدول العربية.
- مين الدولة اللي أقدر عليها أهل كرم زي مصر؟
زي السؤال اللي فات.
- ايه أبخل دولة؟
الغرب وخاصة (الإنجليز)
- إيه أغرب عادة اكتسبتها في السفر؟
ترتيب الشنط.
-ليه اختارت تعيش في انجلترا؟
عشان زوجتي من انجلترا.
- أغرب أكلة أكلتها ومنين؟ وأحلى أكلها وكانت فين؟
أغرب أكله هتكون في الصين واسمها «dim sum» وعبارة عن سمبوسك صينية بالجمبري.
تعليقات الفيسبوك