كلام بعيد عن الإتيكيت
يردد البعض كلمات قد تزعج المحيطين بهم سواء بقصد أو دون قصد، ولكن في النهاية هي عبارات غير مناسبة وغير لائقة وبعيد تماما عن الإتيكيت.
وحذرت خبيرة الإتيكيت إيمان عفيفي، من بعض العبارات أو الكلام الذي يزعج الآخرين وغير مسموح بقوله لهم.
وتقدم إيمان عفيفي لـ«الوطن»، أبرز الكلمات البعيدة عن الإتيكيت والتي يجب الامتناع عن قولها لعدم إزعاج الآخرين كما يلي:
- حسابك كام في البنك.
- الأكل ناقصه ملح شوية.
- وشك بهتان أوي.
- هو انتي نفخة شفافيك.
- أنت لسة متجوزتش.
- تحت عينك أسود أوي.
- الأكل مملح أوي.
- هو سبب الطلاق إيه.
- هو المتوفي اتوفى إزاي.
- مرتبك كام.
- أنت عندك كام سنة.
- أنت رفيع أوي أو إنتي مالك معضمة كدة ليه.
- شكلك أكبر من جوزك هو إنتي أكبر منه.
- شكل جوزك أو شكل مراتك أحلى منك.
- هو ابنك مش مظبوط شكله مش طبيعي ماله.
- مش بتأكلي ابنك ولا إيه، شكله مش اد سنة.
- شعرك خفيف كده ليه.
- مفيش حاجة جاية في السكة.
- انتوا إزاي مخلفتوش لغاية دلوقتي العيب من مين.
- شعرك لونه وحش أوي.
- الشنطة أو المحفظة دي ماركة ولا مضروبة.
وأنهت خبيرة الإتيكيت حديثها، قائلة إن كل ذلك العبارات غير مناسبة تماما أن يسمعها أي شخص من طرف آخر لأنها تزعجه وتشعره بالحرج، وربما تسبب له أذى نفسي، لذلك يجدب الابتعاد عنها وعن غيرها الكثير من الكلمات المتشابهة لما سبق ذكره: «على الإنسان أن يفكر فيما يقوله لغيره كما أن ربما أن يكون رد الفعل سيئ، وتضع نفسك في موقف غير لائق بسبب هذا الكلام».
تعليقات الفيسبوك