الشاب
حيلة ذكية لجأ إليها شخص للبحث عن لص سرق بعض محتويات من محل «بلاي ستيشن»، فبعد أن حددت كاميرات المراقبة المثبتة في المحل شكل اللص، نشر محمد السيد، مدير محطة مصر للبترول في منطقة المرج بالقاهرة، صورته على موقع «فيس بوك»، للبحث عنه، ولم يذكر أنه متهماً في واقعة سرقة، بل كتب منشورًا للبحث عن الشاب بدعوى أنه مفقود وأسرته تبحث عنه.
وكتب «السيد» في المنشور: «الولد ده متواجد معانا حالياً في القاهرة واسمه (محمد) وبيقول إنه من الإسكندرية من محرم بك من منطقه اسمها الرصافة، عمارات الجلال، لو حد يعرف حد من أهله برجاء التواصل معانا»، وقال «السيد» لـ«الوطن»: «هو مكنش تايه، ده كان سارق ومرضتش أكتب كده عشان مشهرش بي وبأهله».
وحكى «السيد» آلاعيب ذلك الشاب الذي خدع الجميع برواية ملفقة: «هو سرق حاجات من محل بلاي ستشين وراح باعها، فإحنا رفعنا صوره عشان لو الناس استدلت عليه تجبهولنا، وفعلًا ده اللي حصل، جابوا لنا الشاب ولما اتكلمت معاه حكالي حكاية طويلة طلعت مش حقيقية».
وحكى الشاب لـ«السيد» وأهل المنطقة الذين كانوا يبحثون عنه أن والده متوفٍ ووالدته متزوجة من آخر: «قالي إن زوج أمه بيعامله وحش، وهو هرب من البيت، بصراحة صعب عليا ومارضتش أسلمه للشرطة وقعدته عندي يومين لحد ما اكتشفت إنه كداب».
فوجئ «السيد» بأن الشاب ادعى كذبًا أن والده توفى: «فوجئت إن والده وابن عمه بيتصلوا بيا بعد ما شافوا المنشور على الفيسبوك، ولما قلت له إن ابنك بيقول انك ميت، قالي إن دي قصة هو بيقولها في كل حتة، وهو مطلع عينينا ومش أول مرة يعمل كده».
وأمام إلحاح والد الشاب بأن يعفو «السيد» عن ابنه، اضطر إلى الموافقة على ذلك: «والده قالي إحنا حالتنا تعبانة وظروفنا صعبة، وفعلا سبته يمشي».
تعليقات الفيسبوك