تطبيق مزنوق
«مزنوق» كلمة تتردد كثيرا بين الناس عندما يشعرون بأنهم يحتاجون دخول «الحمام»، خاصة في حال كان الشخص في الشارع ويبحث عن مكان قريب منه لقضاء حاجته، ومن أكثر الناس الذي تعاني من هذا الأمر هم أصحاب الأمراض المزمنة كأمراض السكر أو الكلى أو القولون أو التهابات المثانة وغيرهم، دائما يرغبون في ذلك عدة مرات في اليوم، ما يواجهون مشكلة أثناء تواجدهم بالشارع، من هنا قرر شاب من عمل تطبيق للبحث عن أقرب حمام من مكان تواجد الشخص.
أحمد علي مصمم منتجات رقمية، وصاحب فكرة تطبيق «مزنوق» المتوافر حاليا في نظام التشغيل «IOS» والمتجر الخاص به: « التطبيق شغال في مصر بدأنا من فترة كبيرة، والهدف منه أنه بيوصل الشخص لأقرب حمام في منطقته وحاليا موجود على بلاي ستور وممكن قريب يبقى على الأندرويد»، وفقا لحديثه لـ«الوطن».
«فكرة التطبيق جاتلي لأني مريت بمواقف شخصية كتير وكانت معضلة إني ألاقي حمام نضيف في الشارع وحتى الحمامات العامة مهملة جدا والمفروض كمان إني بدفع فيها فلوس».. وصف أحمد عن سبب تنفيذه التطبيق حيث إنه يعمل في تصميم التطبيقات والمواقع الإلكترونية منذ نحو 10 أعوام موضحا: «دلوقتي أي حد في الشارع شاب صغير، أو كبير في السن، مريض السكر والكلى، أو حامل ، أو حد معاه أطفال، عندهم مشكلة أنهم يلاقوا حمام في الشارع وممكن الشخص ميكونش عارف أقرب حمام فين، ده هيسهل لي جدا».
وشرح «أحمد» أن التطبيق يمكن الشخص عند البحث عن أقرب أماكن يتواجد فيها حمام، مثل «بنزينة أو كافيه أو مطعم أو غيره»: مضيفا أن مرحلة التطبيق، «مرحلة تجريبية وبنعمل مراجعة للمكان ده وبنخلي حد من نفس المنطقة المحيطة يتأكد من المكان ده والخصوصية اللي فيه وبعدها بيتم إدراجه في التطبيق عشان نضمن أنه كويس».
وأضاف أن التطبيق يعمل على التعاقد مع عدد من الحمامات للسماح بالدخول فيها برسوم بسيطة مثل جنيه أو 2 جنيه فقط، موضحا: «مش كل الأماكن زي بعض بيكون الموضوع مختلف، وتطبيق كمزنوق معمول في مصر ومتوجه للسوق المصرية وبعدها ممكن يبقى بره مصر والتطبيق في المرحلة التجريبية في المدن الرئيسة في مصر وبنضيف الأماكن بطريقتنا إحنا».
«إحنا متبعين مبدأ أن لا ضرر ولا ضرار وأن ميكونش في ضرر على صاحب المكان ويكون في منفعة كمان في المرحلة الفعلية ».. بحسب أحمد الذي أكد أن التطبيق متوفر مجاني على متجر آبل ويعمل حاليا لإتاحته على أجهزة أندرويد للاستفادة منه.
تعليقات الفيسبوك