«بيرموا علينا زبالة وبيدلقوا مياه وبيعاكسوا البنات في الرايحة والجاية ونازلين شتيمة في مراتي وسوأوا سمعتنا» أسباب كافية أن تجعل «محمد» ويعرض منزله للبيع و«يطفش» بسبب سوء تعامل الجار والمضايقات والمشاجرات التي يفتعلونها باستمرار، مع أسرته، لذا علق لافتة كبيرة على بلكونة الشقة وكتب عليها «بيع المنزل لسوء الجيران».
ضربوا مراتي
محمد فوزي من سكان مدينة صان الحجر في محافظة الشرقية، وسأم من سوء سلوكيات جيرانه بالدور الثاني، وهي الشقة التي تعلو شقته بالدور الأول، وقرر أن يتخذ قراره ويهجر المنطقة التي نشأ وترعرع فيها هربا من سوء تعامل الجيران: «بيعاكسوا بناتي الاتنين وعمرهم 11 و12 سنة وميفهموش حاجة وعيب وإحنا من عيلة محافظة وده ميصحش ده غير إن الست اللي فوقينا بتنزل كل يوم هاتك يا شتيمة في مراتي بألفاظ وحشة جدا لدرجة أنها سوأت سمعة مراتي والبنات» بحسب «محمد» فيقول إن جيرانه سيئون في التعامل ويفتعلون المشكلات باستمرار إلى أن تصل إلى الاشتباك بالأيدي: «بيقفوا يحدفوا علينا طوب ومياه وزبالة وبينزلوا لحد الشقة يتهجموا علينا ويضربونا وانا تعبت وعايز أستقر أنا وولادي في حتة بعيدة وفيها جيران كويسيين».
بداية الأزمة
يحكي «محمد» أن هذه الأزمة بدأت منذ عام 2018، بعد أن قام جاره بالدور الثاني، بالاستيلاء على قطعة أرض مجاورة للمنزل وتعود إلى «محمد»: «الأرض دي بتاعتي أنا ومن حقي وأوراق ملكيتها معايا من سنة 1944، وبعد كدة هو حط إيده على الأرض وخدها مني غصب عني وروحت اشتكيته وعملنا قعدة عرب إنه هيديني فلوس بعد ما أخد الأرض وكتب على نفسه إيصالات إمانة وبنى على الأرض وفي الآخر مدانيش حاجة وأنا مبقتش عايز حاجة أنا عايز أمشي واسيب البيت عشان ولادي يتربوا بعيد عن المشاحنات دي كلها».
قلب شجاع
يملك «محمد» شجاعة وأمانة، وهو ما يدفعه إلى عرض الأسباب الحقيقة وراء عرض بيت منزله على راغبي شرائه: «جالي ناس كتير عشان تتفرج على البيت وأنا مكدبتش على حد وبقول للناس كلها الأسباب إن جيراني وحشين جدا وتعبوني وكان بيضروني أنا وولادي»، وقد تقدم «محمد» بعمل محضر ضد جاره، برقم 2454 لسنة 2018 جنح صان الحجر.
تعليقات الفيسبوك