مطعنم يستقبل الرواد بالشموع في عيد الحب
على ضوء الشموع والموسيقى الرومانسية الهادئة، تستقبل المطاعم والكافيهات روادها في يوم عيد الحب الذي يوافق 14 فبراير، وتحرص المطاعم على تقديم جواً رومانسياً من خلال تنظيم حفلات صغيرة بأسعار بسيطة حتى لا تنهار الميزانية في هذا اليوم.
داخل أحد الكافيهات بمنطقة وسط البلد، قرر أحمد مصطفى مسؤول الكافية، أن يقدم حفلة موسيقية رومانسية مقابل 50 جنيهاً فقط، وتكون من الساعة 8 مساءً يقول عنها: «في عيد الحب عادةً بنحب نقدم حاجة مختلفة عشان نساعد أننا نخلق جو رومانسي ويفرح المرتبطين أو المخطوبين أو حتى المتجوزين ويجوا يغيروا جو عندنا».
وبحسب «أحمد» فالحفلة عبار عن باند موسيقي وغنائي أيضاً، من الشباب هوأة الأغاني والموسيقى الحديثة، ويضع «أحمد» قائمة من الأغنيات الرومانسية خلال هذا اليوم وخصوصاً القديمة: «كل أغاني أم كلثوم وعمرو دياب وعبدالحليم حافظ الرومانسي في اليوم ده بتشتغل وبيكون على كل تربيزة شموع والإضاءة بتبقى هادية قوي عشان الجو فعلا يبقى رومانسي».
وداخل أحد المطاعم في المنصورة، قرر مصطفى محروس مدير الفرع، أن يقيم احتفالية خاصة يوم الأحد المقبل بالتزامن مع عيد الحب: «كل سنة بنحب يكون لنا تواجد وسط الحبيبة وبنعلق أنوار وبلالين حمراء وبنقدم وردة لكل اللي داخلين المطعم سواء كانوا سنجل أو كابلز» ويقول «مصطفى»: إن هذه الاحتفالية مجاناً، ولا تزداد الأسعار على المينو: «اليوم ده مفيش جنية زيادة بيدفع بالعكس إحنا حابين نحتفل مع الناس في يوم عالمي زي ده الناس بتعبر فيه عن حبهما وإحنا كمان بنعبر عن امتناننا لأنهم اختاروا المطعم بتاعنا وفي نفس الوقت دي بتكون دعاية كويسة لينا سواء في الفلانتي أو حتى بعد الفلانتين والزبائن هيكتر تواجدها في المكان».
تعليقات الفيسبوك