عصام
بعدما تعاقد على شراء أدوات تخص عمله في الهواتف المحمول واللاب توب، بقيمة 40 ألف جنيه، تفاجئ أن الشُحنة لم تصل، وتحجج البائع بـ «أصل الشحنة في لبنان عندها كشف كورونا».
أثناء تجربة الشراء الإلكترونية من خلال أحد متاجر التسوق الشهيرة بالصين، تعرض عصام أحمد، من أبناء محافظة البحيرة، إلى خداع شديد، فبعد أن قام بشراء أدوات تخص عمله في الهواتف المحمول واللاب توب، بقيمة 40 ألف جنيه، تفاجئ أن الشُحنة لم تصل، وتحجج البائع بـ «أصل الشحنة في لبنان عشان كشف كورونا».
مرّت أيام كثيرة ولم يتسلم «عصام»، شحنته عبر الجمارك، مما جعله يشعر بالقلق، يقول عن هذه الأوقات: «كنت أول مرة اشتري من الموقع بس لما سألت عنه قاله أنه كويس بس أنا حظي وقع في واحد هندي نصاب كنت بتواصل معه من خلال الرسايل بتاعت الموقع وكلمني وعملت الاوردر بتاعي والمفروض عشان جاية من بره مصر بتوصل من شهر لـ 40 يوم، وبعد ما الوقت فات ومستلمتش الأوردر بكلم البائع بيقول لي أصل الشحنة نزلت في لبنان عشان كشف كورونا و هتتاخر بس هتوصل ولكن موصلتش».
وبحسب «عصام»، فإن هذا الموقع يتيح للبائعين استئجار منصة لعرض منتجاتهم، ومن ثم يتواصلون بأنفسهم مع المتسوقين: «بس اللي حصل معايا أن الراجل الهندي ده ضحك عليا وخدعني وكنت فاكر اني هستلم الشحنة بتاعتي، وروحت سألت عنها في الجمارك بتاعت القاهرة وللأسف مالقتيش حاجة وصلت» ويوضح «عصام»، أنه أصر على التواصل مع القائمين على إدارة الموقع: «قالوا لي إحنا بنأجر المنصة للبائعين وهما بيعرضوا منتجاتهم عندنا بعد التأكد من تقديم أوراقهم التجاري بس قالوا إحنا هنراجع بياناته وهنحاول نتواصل معاه وهنشوف إمكانية استعادة الفلوس»، وبحسب «عصام» حصل على وعد بإستعادة الـ 40 ألف جنيه بعد 90 يوماً، وأيضاً حرر محضرا بتعرضه للنصب ضد هذا الموقع.
تعليقات الفيسبوك