استضاف الإعلامي أحمد يونس مقدم برنامج «أتوبيس السعادة»، المذاع على شاشة قناة «DMC»، نماذج مشرفة من ذوي الهمم، للحديث عن تفاصيل مشاركتهم في البطولات الرياضية.
وقال علي محمود، خلال البرنامج، إنه طالب جامعي، وكلما كان يقول لأي شخص بأنه ينوي ممارسة السباحة يبدون استغرابهم، خاصة عندما يقول لهم بأنه يسبح بيديه فقط، ولا يحرك قدميه تحت المياه بشكل قاطع، متابعا: «الناس يا بتستغرب يا بتتنمر، بس أنا قولت ليه لأ، وخليت ده دافع ليا، وهخلي استغرابكم ده واقع».
وتابع: «مفيش حاجة اسمها مستحيلة، أنا كنت من أول كلمة أقفل على نفسي باب أوضتي وأقعد في البيت واكتئب ومنزلش الشارع، لكن أنا هفرض نفسي على المجتمع وليا دور أقدمه وليا هدف وحلم لازم أوصله، إني أبقى بطل العالم في السباحة، وأرفع علم مصر قدام العالم كله».
وواصل: «أوجه شكر لوالدتي، أحب أشكرها وهي فوق راسي، ولولاها مكنتش وصلت لكل ده، وهي أول حد اتقالها كلمة قعدي بيه في البيت مش هيوصل لحاجة، ومش هيعيش أصلا، وهي اللي نزلت وقالت لهم لأ، أنا هوصله وهيبقى حاجة وهيبقى أحسن من أي حد كمان، ولحد دلوقتي مكملة معايا وبتخليني أطلع لقدام».
تعليقات الفيسبوك