صدمات متكررة وحياة عبارة عن غبار أسود لا يبدو منه شيئًا، عاشته «شيماء حسن»، 26 عامًا، دون أن تعرف ما المصيبة القادمة، فمنذ 6 سنوات كان ميعاد زواجها من «نجار»، كانت أخلاقه حسنة قبل الزواج ولكن تغير كل شئ بعدها، وعاشت معه سنوات كانت نتيجتها ولادة 3 أطفال، وفقدهم في 11 شهرا فقط.
تحكي «شيماء» التي تقطن في منطقة المعصرة بمدينة حلوان التابعة لمحافظة القاهرة، أنها منذ زواجها وتبدل كل شئ، مشيرة إلى حدوث بعض المشاكل التي أدت إلى بيع «عفش البيت»، رغم إقامتها في شقة إيجار، وفوجئت بأخلاق زوجها السيئة التي تنعكس عن تعامله في فترة الخطوبة، مضيفة: «لقيت جوزي باع كل حاجة عشان يسد ديونه عليه وحياتي بقت كلها مشاكل، بس خلفت منه 3 أولاد ماتوا كلهم بأمراض مختلفة، جوزي كان ساعات يبقى كويس وساعات تعامله بيتغير».
شيماء: مضيت على شيكات مش بتاعتي
في بداية شهر فبراير الماضي، صدمت «شيماء» بوفاة ابنها الأكبر «عمار» بعد ولادته بشهرين فقط، بسبب زوجها الذي أصابها في بطنها أثناء وجوده، وبعدها مرت بعدة مشاكل منها طلاقها من زوجها، وتضيف: «أخت جوزي كانت بتتجوز وأهلها مش عارفين يجيبوا عفشها لأن مش معاهم فلوس، فاضطريت أني أمضي على شيكات بـ 150 ألف جنيه، واتفقت مع جوزي وأخواته إنهم يدفعوا معايا الأقساط، بس لقيتهم مش راضيين، كنت حامل وقتها ودخلت المستشفى أكتر من شهر، والطفل مات بعد ما اتولد».
وفاة 3 من أبنائها في عام واحد
بعد وفاة ابنها الأول لم يبقى لـ «شيماء» سوى ولدين وانفصلت عن زوجها، ولم يمر سوى 6 أشهر حتى فوجئت بوفاة ابنها الثاني «سفيان»، 5 سنوات، نتيجة سكتة قلبية، وهي الصدمة الثانية في أقل من نصف عام، وفي يناير الحالى بقى ابنها الأكبر حتفه وهو بعمر الـ 6 سنوات بعد توقف عضلة القلب، وتروي «شيماء»: «اشتغلت في مصنع ملابس يعد الطلاق عشان أربي ولادي، بس هما مقعدوش معايا كتير، وبعد كدة جالي جلطة لما ابني التاني اتوفي ودلوقتي سديت 70 ألف جنيه من الديون اللي عليان وباقي 80 ألفا، وكل ده عشان مضيت على وصل أمانة في حاجة مليش علاقة بيها».
تعليقات الفيسبوك